लुका 6:45 - चेपाङ

⁴⁵ इलो लेखालेः ल्‍हुङ् पेओ मान्‍ताखेइ पेओ काम् जाङ्‌ह्‌नानी ल्‍हुङ् पेमालो मान्‍ताखेइ रेव्ओ काम् जाङ्‌ह्‌लेःनानी। मान्‍तापाय् गतलो ल्‍हुङ्‌तुक् म्‍हर्‌नाः ओउःतलेः लेइमा नोःलेःनाः बा।

लुका 6:45 ပူးပေါင်းရင်းမြစ်များ

युहना 7:38

‘सुसुलो ङाकायः ङ्‌हाम्‌नानी ओउःकोः ल्‍हुङ्‌तुक्‌सै जीङः दोःताक्‌सा तीः होती ग्‍ल्‍युङ्‌ह्‌नाः’ त परमेस्‍वर्‌कोः आखरःहाङः लेखती मुनाः” त दाय्‍ह्‌ती येसुइ तोआकान्।

खबरदुत 5:3

ओहाङःसैको ओउः पैसा पत्रुस्‌कायः ल्‍हाती माःती बयःतोक्‌हाङः “अ हननायाय दोह् हायःतीतेः इ सैतान्इ ल्‍हुङ् धुय्‌ती होम्‌ती नोःओ कुरा सायःती नाङ्इ परमेस्‍वर्‌कोः ग्‍वालामःकायः माःती तोती एतलेः मोल् पैसा तात्‌ती बयःतेःआकान्।

एफेसस् 3:8

ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

एफेसस् 4:29

नोःओ बेलाहाङः पेमालो खह्र्ओ कुरा नोःलाम् लुङ्‌ती छेङःकलःती पेताक्‌सा कुरा ह नोःन।

एफेसस् 5:19

लयःमयःकुस् परमेस्‍वर्‌कोः भजन् गीत्‌लम्‌कोः कुरा नोःकाय्‌न लयःकोः ल्‍हुङ्‌हाङः परमेस्‍वर्‌कायः ताङ्‌ह्‌ताक्ओ गीत्‌लम्‌मा मेन।

कोलसी 3:16

ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।

कोलसी 4:6

ओउःत नोःओ कुरापाय् सायःगार्‌सीःआ स्‍याव्‌पाः ओहाङःसैको सबै मान्‍तालम्‌कोः व्‍हत्ओ कुराकायः पेतो त्‍याङ्‌नु दा।

हेब्रैनी 8:10

“द्याह् ओउः वाङ्‌सा खेःओ दीन्‌लम्‌हाङः ओउः इस्राएल् त तोओलम्‌कुस् इ नया कुरा होम्‌काय्‌ती गम्‌नाङः ङाकोः हुकुम्‌लम्‌पाय् ओउःमयः ल्‍हुङ्‌तुक्‌हाङः सेती गम्‌ताक्‌लेःनाङःसु। ङापाय् ओउःमयःकोः परमेस्‍वर्‌लेः स्‍याव्‌नाङः ओउःमयःपाय् ङाकोः मान्‍तालेः स्‍याव्‌नै।

यहुदा 1:15

सबैकायः तय्‌छनःती योलाङ् वाङ्‌नै। ओउः ङ्‌हाम्‌मालोलम्इ जाङ्‌ह्ओ रेव्‌तो काम्‌लम्‌मा सबै ओउःमयः हेला क्‍लाःओ काम्‌कायःमा प्रभुइ ओउःमयःकायः गाल्‌तुम्‌तीलेः नोःनौ” त दाय्‍ह्‌ती हनोक् दाय्‍ह्आ।