लुका 6:29 - चेपाङ

²⁹ सुसुइ नाङ्‌कायः ग्‍वेर्‌हाङः यात् प्र्याक् घान्‌तेःनाः त खेःया अरु ग्‍वेर्‌मा घान्‌साकायः ओउःकःताङ् तालाङ् हीलःउ। सुसुइ नाङ्‌कोः क्रमःनाय् लाती आलःबत्‌तेःनै त खेःया ओउःइ नीङ्‌कोः कमीत्‌मा लाती आलःसा ताक्‌नु।

लुका 6:29 ပူးပေါင်းရင်းမြစ်များ

मत्ती 26:67

एत त्‍याङ्आक्‌तीको मान्‍तालम्इ येसुकायः खेन्‌हाङःलेः द्युर्‌इ द्युरःमाआथै घान्‌माआथै अरुलम्इ ओउःकायः मीक् बोमःआक्‌तीको क्रुत्इ प्र्याक्‌ती

लुका 22:64

हेला क्‍लाःतोक् बेलाहाङः येसुकोः मीक् बोमःआक्‌तीको ओउःकायः घान्‌ती “लौ नोःअ सुइ नाङ्‌कायः घान्‌तेःआ त तोताङी” त दाय्‍ह्‌ती व्‍हत्आकानी।

लुका 6:30

सुसु नाङ्‌कः तेलाङ् वाङ्‌चै ओउःकायःलेः बयःउ। सुसुइ नाङ्‌कोः माल्‌ताल्‌लम् लयःकायः आलःती गम्‌नानी ओउः आलःओ माल्‌ताल्‌लम् पाय्‍क्‌ताक्‌लाम्।

युहना 18:22

ओउःत त्‍याङ्आक्‌ती यात्‌चाक् पुरोहीत्‌कोः सीपाहीइ येसुकायः खेन्‌हाङः क्रुत्इ यात् प्र्याक् घान्‌ती “लौ प्रधान् पुरोहीत्‌कायः एतलेः त्‍याङ्‌ती नोःसा स्‍याव्‌नाः र जुगु” त दाय्‍ह्‌ती जान्आथै।

१ कोरीन्‍थी 4:11

तेन्‌छ्याङ्‌मा योङ्‌क्राय्‌ती तीः अप्‌ती नाय् नाःमाःत वाह्‌लेःनाङी अरुइ ङीकायः घान्‌नाःताङी ङीकोः याक्‌सा थाव्‌पाय् दोह्‌मा नाःल।

१ कोरीन्‍थी 6:7

दोङ्‌सीलेः इ कायःकाय्ओ तय्‌छनःती योसा काम् मुनाः त झ्‍यान्‍ते नीङ्‌कोः ल्‍हुङ्‌तुक् पेतो खेःबाय्‌ल नीङ् सबैकायः जुगाङ् कुरा क्‍लीमःओलेः मुतेःनै। अरुकुस् कायःकाय्ओसैपाय् लीह्‌सीःओ गोरःसामा पेलेःनाः नीङ्‌कोः सामान् माल्‌ताल्‌लम् अरुइ लाती आलःसामा पेलेःनाः।

२ कोरीन्‍थी 11:20

माः रैस यात्‌चाक्इ नीङ्‌कायः नोकरी स्‍याव्‌ताक्‌तेःनै त खेःया नीङ्‌कोः चीस् जेःबत्‌तेःनै लाबत्‌तेःनै नीङ्‌कायः मीताक्‌ती घान्‌तेःनै त खेःया ओउः मान्‍ताकायःलेः नीङ्इ ग्‍यातीलेः रोम्‌तेःनानी बा।

हेब्रैनी 10:34

झ्‍याल्‍खानहाङः थुनती काओलम्‌कायःमा नीङ्इ लव्‍ह्‌तेःआकानी। नीङ्‌कोः माल्‌ताल्‌लम् लाती आलःओ बेलाहाङः नीङ् चोङाय्‌तोलेः मुधाङ्‌तेःइतो दोह् हायःती दाय्‍ह्‌सा ओउःसै न्‍हाङ्‌तोलेः पेओमा गलमा वाय्‌मालो खाल् “ङीकायः गम्ओलेः मुनाः” त चीःतेःआकानी।