लुका 6:21 - चेपाङ

²¹ नीङ् तेन्‌छ्याङ् योङ्‌क्राय्‌ती मुओ मान्‍तालम्‌मा चोङाय्‌तोतेः स्‍याव्‌तेःनै दोह् हायःती दाय्‍ह्‌सा लोनेः नीङ् धुमुक्‌त कोस्‌तेःनै। नीङ् तेन्‌छ्याङ् र्‍याःती मुओलम्‌मा चोङाय्‌तोतेः स्‍याव्‌तेःनै लोनेः नीङ् आसती स्‍याव्‌तेःनै।

लुका 6:21 ပူးပေါင်းရင်းမြစ်များ

मत्ती 5:4

लीह्‌ती क्रेस्‌तो र्‍याःओलम्‌मा चोङाय्‌तोलेः स्‍याव्‌नै ओउःमयःकोः लीह्ओ ल्‍हुङ् लोनेः धोमाय्‌तो स्‍यान्‌नाः।

मत्ती 5:6

खाले पेओ काम् जाङ्‌ह्‌सा झाक्ओलम्‌मा चोङाय्‌तोलेः स्‍याव्‌नै ओउःमयः झाक्ओपाय् लोनेः जुदालेः दोःनाः।

लुका 1:53

ओउः योङ्‌क्राय्ओलम्‌खेकायः परमेस्‍वर्‌इ जेःसा बयःनौ नाःतो नाःओलम्‌खेकायः ओउःइ बयःमाःत ल्‍होक्‌नौ।

लुका 6:20

ओहाङःसैको ओउःकुस् वाह्ओमयःकःताङ् ल्‍हेःती योती “लौ नीङ् नाःतो नाःमालो मान्‍तालम् चोङाय्‌तोतेः स्‍याव्‌तेःनै दोह् हायःती दाय्‍ह्‌सा परमेस्‍वर्‌कोः राजी नीङ्‌कोःलेः स्‍याव्‌नाः।

लुका 6:22

ङा ओउः मान्‍ताकोः चोः त तोओकोः कुरा ङ्‌हाम्‌ती जाङ्‌ह्ओ त झ्‍यान्‍ते अरुइ नीङ्‌कायः ल्‍हुङ् चोरःती ब्‍लाय्‍क्‌सीःओ योती हेला क्‍लाःती गाल्‌धैतीलेः नोःतेःनै।

लुका 6:25

नीङ् तेन्‌छ्याङ् तुक् कोस्‌तो मुओलम्‌मा लीह्‌तोतेः स्‍याव्‌तेःनै लोनेः नीङ् योङ्‌क्राय्‌तीलेः सीतेःनै। नीङ् तेन्‌छ्याङ् आसतोलेः मुओलम्‌मा लीह्‌तोलेः स्‍याव्‌तेःनै लोनेः नीङ् आन क्रेस्‌तीलेः र्‍याःतेःनै।

युहना 11:35

येसुमा र्‍याःओ।

युहना 4:10

ओहाङःसैको “लौ दीदी परमेस्‍वर्‌इ दोह् बयःसा झाक्‌नाः त नाङ्इ चीःमातेःउलु। ङा तीः तेलाङ् वाङ्ओ सुलो त चीःमातेःउलु नाङ्इ चीःआ त खेःया ङाकः तेतेःचाः खेःतो। ओहाङःसै ङाइ रौ जीङः दोःताक्‌सा तीः बयःजेःचेःनाङ् खेःतो” त दाय्‍ह्‌ती येसुइ तोआकान्।

युहना 6:35

“लौ ओउः जीङः दोःताक्‌सा जेःगापाय् ङा लेःआः बा। सुसु ङाकःताङ् वाङ्‌चै ओउःलेः लोनेः गलमा योङ्‌क्राय्‌ल। सुसुइ ङाकायः ङ्‌हाम्‌नानी ओउःलेः लोनेः गलमा अप्‌ल” त दाय्‍ह्‌ती येसुइ स्‍यान्आथास।

१ कोरीन्‍थी 4:11

तेन्‌छ्याङ्‌मा योङ्‌क्राय्‌ती तीः अप्‌ती नाय् नाःमाःत वाह्‌लेःनाङी अरुइ ङीकायः घान्‌नाःताङी ङीकोः याक्‌सा थाव्‌पाय् दोह्‌मा नाःल।

२ कोरीन्‍थी 11:27

काम् जाङ्‌ह्‌ती आन द्योत्‌झुङ्‌ङोतो आन याह्‌दीङ्‌हाङः एनःसा दोःमालो मुझुङ्‌ङोतो आन योङ्‌क्राय्‌ती तीः अप्‌ती तोय्‍ङ्‌झुङ्‌ङोतो नाःतो पेन्‍ह्‌कायः जेःगा तुङ्‌गा नाःमाःत नाय् नाःमाःत न्‍याम् झ्‍युङ्‌तीलेः आन सीखेःझुङ्आलाङः।

२ कोरीन्‍थी 12:10

माः रैस ख्रीस्‌कोः काम् जाङ्‌ह्‌तोक्‌हाङः ङा जीक्ओया अरुइ ङाकायः हेला क्‍लाःओया लीह्‌सीःओ बयःओया ओउः बेलाहाङःलेः ङा चोङाय्‌ती मुनाङः दोह् हायःती दाय्‍ह्‌सा काम् जाङ्‌ह्‌सा लोमालोहाङः प्रभुकोः ग्‍वम् दोःनाङः।

२ कोरीन्‍थी 6:10

लीह्‌सीःओ बेलाहाङःलम्‌मा गलकायःमा चोङाय्‌तीलेः मुनाङी। ङीपाय् ह्र्यात् मान्‍तालो लेखा खेःङीतो बुरु नाःतो मान्‍ताकायः बयःसा खाय्‌नाङःसु। ङीकोःपाय् दोह्‌मा नाःल सबैलेः ङीकोः मुलेःनाः।

याकुब् 1:12

लीह्‌सीःओ च्‍यवःओ बेलाहाङः सुसु ग्रमःत मुनै ओउःपाय् चोङाय्‌तोलेः स्‍याव्‌नै दोह् हायःती दाय्‍ह्‌सा ओउःकोः हायःझ्‍याङ्‌कायः ओउःपाय् पेओ रौ जीङः दोःलेःनाः। ओउः जीङःपाय् “लौ ङाकायः राप्ओलम्‌कायः बयःनाङःसु” त दाय्‍ह्‌ती परमेस्‍वर्‌इ तोती गम्आकान्।

प्रकाश 21:3

ग्‍ल्‍युङ्‌ह्‌ती वाङ्‌तोक्‌हाङः ओउः राजा च्‍युङःसा थाव्‌सै सोतो हाव्‌नयःमा सायःआलाङः “लौ द्याह्‌गोते परमेस्‍वर्‌पाय् मान्‍तालम्‌कुस् याक्‌लेःनाः। ओउःत याक्‌तोक्‌हाङः ओउःमयः परमेस्‍वर्‌कोः मान्‍तालम् स्‍याव्‌लेःनै। माः है परमेस्‍वर्‌पाय् लयःलेः मान्‍तालम्‌कुस् याक्‌ती ओउःमयःकोः परमेस्‍वर्‌ स्‍याव्‌लेःनाः।

प्रकाश 7:16

क्रुप्‌तोक्‌हाङः ओउःमयःपाय् गलकायःमा योङ्‌क्राय्‌माइली तीः अप्‌माइली न्‍याम्इमा दोह्इमा गलमा रावःथासल।