लुका 5:2 - चेपाङ

² ओहाङःसैको द्याङ्‌तोलेः नीस्‌ज्‍योः तीःकोः दोङ्‌गालेः पोत्ओ सीङःहाङः पेन्‍ह्‌ती गम्ओ येसुइ च्‍यवःआकान्। ओउः दोङ्‌गाकोः ङाः सात्ओ काम् धुःती जाङ्‌ह्ओ मान्‍तालम् दोङ्‌गा फेआक्‌तीको लयःकोः लाङःलम् तीःहाङः धावःती मुओ खेःइतो।

लुका 5:2 ပူးပေါင်းရင်းမြစ်များ

मत्ती 4:18

ओहाङःसैको येसु गालीलकोः छेव्‌हाङः वाह्‌ती नीस्‌चाक् ङाः सात्ओ काम् धुःती जाङ्‌ह्ओ पुःचाः च्‍यवःआकान् ओउःनीस्‌पाय् सीमोन् अन्‍द्रीयस् त मय्‍ङ्‌चतो। फेरी येसु वाङ्‌तोक्‌हाङः ओउःनीस् पुःचाः तीःहाङः लाङः वार्‌ओ खेःचतो।

मत्ती 4:21

ओहाङःसैको आल्‌ती जबदी त तोओकोः याकुब् युहना नीस् गोय्‌चोःचोः आपाकुस् दोङ्‌गाहाङः लाङः ताक्ओ च्‍यवःआकान्। ओउःनीस् च्‍यवःआक्‌तीको येसुइ गोत्‌थाचतो

मर्‌कस् 1:16

ओहाङःसैको येसु गालील त तोओ ताङ्‌ह्ओ दुम्‌हान्‌कोः छेव्‌हाङः वाह्‌ती नीस्‌चाक् काम् धुःती जाङ्‌ह्ओ ङाः सात्ओ पुःचाःनीस् च्‍यवःआकान्। ओउःनीस्‌पाय् सीमोन् अन्‍द्रीयस् त मय्‍ङ्‌चतो। येसु वाङ्‌तोक्‌हाङः ओउःनीस् पुःचाःपाय् तीःहाङः लाङः वार्‌ओ खेःचतो।

मर्‌कस् 1:19

ओहाङःसैको आल्‌ती बलचोः द्याङ्‌तोहाङः दाह्‌ती जबदी त तोओकोः गोय्‌चोःनीस्इमा लाङः ताक्ओ च्‍यवःआकान्। ओउःनीस् पुःचाःपाय् याकुब् युहना त मय्‍ङ्ओ खेःचतो।

लुका 5:1

ओहाङःसैको गालील अन्‍चल्‌हाङः मुओ गनेसरेत् त तोओ ताङ्‌ह्ओ दुम्‌हान्‌कोः छेव्‌हाङः आल्‌ती चीङ्‌ती येसुइ स्‍यान्‌ती तोओ खेःतो। ओउःहाङः स्‍यान्‌तोक् बेलाहाङः येसुइ तोओ कुरा पेतो सायःसाकायः हुम्ओ मान्‍तालम्इ येसुकःताङ् लमःकाय्‌ती न्‍हेङःती वाङ्आकाय्।

लुका 5:3

यात् दोङ्‌गापाय् सीमोन् त तोओकोः खेःतो। ओउः दोङ्‌गाहाङः येसु लन्‍ह्‌ती सीमोन्‌कायः गोःती “लौ इ दोङ्‌गा बलचोः तीःताङ् लात्उ दा” त दाय्‍ह्‌ती येसुइ तोआथै। ओउःत हायःआक्‌तीको येसु दोङ्‌गाहाङः च्‍युङःती मुती हुम्‌लाङ् वाङ्ओ मान्‍तालम्‌कायः स्‍यान्आथास।

युहना 1:40

ओउः येसुकुस् वाङ्ओ नीस्‌चाक्‌कोःपाय् यात्‌चाक् अन्‍द्रीयस् त तोओ खेःतो ओउःपाय् सीमोन् पत्रुस् त तोओकोः पुःलेः।