लुका 4:44 - चेपाङ

⁴⁴ ओहाङःसैको यहुदीया अन्‍चल्‌हाङः दाह्‌ती ओहाङः तोमःती वाह्‌ती थनःओ कीम्‌लम्‌हाङः पोक्‌ती येसुइ परमेस्‍वर्‌कोः कुरा थोल्‍ह्‌ती तोओ खेःतो।

लुका 4:44 ပူးပေါင်းရင်းမြစ်များ

मत्ती 4:23

ओहाङःसैको येसु गालील अन्‍चल्‌ताङ् तोमःती यहुदी मान्‍तालम्‌कोः थनःओ कीम् कीम्‌हाङः तोमःती दाह्‌ती पोक्‌ती परमेस्‍वर्‌कोः राजीकोः पेओ समचार्‌ थोल्‍ह्‌ती तोतीमा नाःतो खाल्‌कोः जीक्ओ मान्‍तालम्‌कायः स्‍याक्‌ताक्‌तीमा वाह्ओ खेःतो।

मर्‌कस् 1:39

आल्‌ती गालील अन्‍चल्‌कोः थनःओ कीम् कीम्‌ताङ् वाङ्‌ती पोक्‌ती येसु परमेस्‍वर्‌कोः कुरा तोतीमा स्‍यान्‌तीमा लान्‌लम्‌कायः ल्‍हेस्‌ती वाय्‌तीमा ब्‍याह्‌ती तोमःती वाह्ओ खेःतो।

लुका 4:15

ओहाङःसैको द्यान्‍ह्‌ती पाय्‍ह्आक्‌तीको येसुइ ओउः यहुदी मान्‍तालम्‌कोः थनःती हुम्ओ कीम्‌लम्‌हाङः पोक्‌ती ओउःहाङः स्‍यान्‌ती तोआकान्। ओउःत स्‍यान्‌ती तोतोक्‌हाङः सबै मान्‍तालम्इ ओउःकायः “लौ इपाय् आन व्‍हाय्‌तोलेः स्‍यान्‌नौ बा” त दाय्‍ह्‌ती लुङ्‌तीलेः नोःकाय्आकाय्।

लुका 5:1

ओहाङःसैको गालील अन्‍चल्‌हाङः मुओ गनेसरेत् त तोओ ताङ्‌ह्ओ दुम्‌हान्‌कोः छेव्‌हाङः आल्‌ती चीङ्‌ती येसुइ स्‍यान्‌ती तोओ खेःतो। ओउःहाङः स्‍यान्‌तोक् बेलाहाङः येसुइ तोओ कुरा पेतो सायःसाकायः हुम्ओ मान्‍तालम्इ येसुकःताङ् लमःकाय्‌ती न्‍हेङःती वाङ्आकाय्।