लुका 4:43 - चेपाङ

⁴³ “खेःल ङापाय् परमेस्‍वर्‌कोः राजीकोः पेओ समचार्‌ अरु अरु सहर्‌लम्‌गनहाङः ल्‍हाक्‌ती छ्यानःसाआः खेःनाङः। इ कुरा सबै मान्‍तालम्‌कायः ल्‍हाक्‌ती छ्यानःसाकायः परमेस्‍वर्‌इ ल्‍होक्आताङः” त दाय्‍ह्‌ती येसु त्‍याङ्‌लेःआ।

लुका 4:43 ပူးပေါင်းရင်းမြစ်များ

मत्ती 4:23

ओहाङःसैको येसु गालील अन्‍चल्‌ताङ् तोमःती यहुदी मान्‍तालम्‌कोः थनःओ कीम् कीम्‌हाङः तोमःती दाह्‌ती पोक्‌ती परमेस्‍वर्‌कोः राजीकोः पेओ समचार्‌ थोल्‍ह्‌ती तोतीमा नाःतो खाल्‌कोः जीक्ओ मान्‍तालम्‌कायः स्‍याक्‌ताक्‌तीमा वाह्ओ खेःतो।

मर्‌कस् 1:35

ओहाङःसैको ओनम्‌कोः स्‍याङ्‌ह्‌लोहाङः न्‍याम् दाह्‌धाङ्‌माःच्‍युक्‌हाङः येसु च्‍योक्‌ती लयःझुङ्आले कीम्‌सै ग्‍ल्‍युङ्‌ह्‌ती चीङःचाङःत खेःओ मान्‍ता नाःमालोताङ् आल्‌ती परमेस्‍वर्‌कायः तोती मुआ।

युहना 20:21

“लौ पेतो ल्‍हुङ् धोमाय्‌तोलेः मुन। ङाकायःपाय् ङाकोः आपाइ ल्‍होक्ओआः बा ओउःतलेः ङाइ नीङ्‌कायः ल्‍होक्‌नेःनाङ्‌स” त दाय्‍ह्‌ती

युहना 9:4

ङीइ देङी इ थोङ्‌तो स्‍याव्ओहाङःलेः ङाकायः ल्‍होक्औ परमेस्‍वर्‌कोः काम् जाङ्‌ह्‌सा खेःनाःतय्‍ही। लोने वाङ्‌सा च्‍याक्ओहाङः सुइमा पेओ काम् जाङ्‌ह्‌सा खाय्‌नीली।

खबरदुत 10:38

ओउः बेलाहाङः नासरेत् गाव्‌सै वाङ्ओ येसु त तोओकायः परमेस्‍वर्‌इ लयःकोः ग्‍वालामःमा ग्‍वम्‌मा दोःताक्आथै। परमेस्‍वर्‌कोः ग्‍वालामः दोःआक्‌तीको येसु आन पेतो हायःती इःताङ् उःताङ् आल्‌ती जीक्ओ मान्‍तालम्‌मा लान्इ ङायःओ मान्‍तालम्‌कायःमा स्‍याक्‌ताक्ओ काम् जाङ्‌ह्ओ खेःतो।

२ तीमोथी 4:2

ओउःकोः नोःराय् गलकायःमा थोल्‍ह्‌ती तोउ दा। क्रोःओ बेलाहाङःमा क्रोःमालो बेलाहाङःमा ओउः कुरापाय् होम्‌ताक्‌साकायःमा गानाक्‌साकायःमा लुङ्‌साकायःमा काङ्‌ती स्‍यान्‌ती तोचाक्उ ती।