लुका 4:41 - चेपाङ

⁴¹ ओउः बेलाहाङःमा नाःतो मान्‍तालम्‌कायः लान्इ ल्‍हेस्‌ती फेआथास। फेतोक्‌हाङः लान्‌लम्इ “नाङ्‌जा परमेस्‍वर्‌कोः चोः लेःतेःआः बा” त सोतोलेः दाय्‍ह्‌ती फेनीतो ओउःकायःपाय् “ख्रीस् लेःआः” त तय्‍ह्‌ती झ्‍यान्‍ते येसुइ लान्‌लम्‌कायः इ कुरा छ्यानःती नोःसा ताक्उसुलु।

लुका 4:41 ပူးပေါင်းရင်းမြစ်များ

मत्ती 26:63

ओउःपाय् दोह्‌तमा त्‍याङ्‌ल ओउःत झ्‍यान्‍ते “लौ ङीकोः दोङ् परमेस्‍वर्‌कोः मय्‍ङ् पेह्‌ती ङाइ तोनेःनाङ् दोङ्‌सीलेः ओउः ख्रीस् त तोओ परमेस्‍वर्‌कोः चोःपाय् नाङ्‌लेःतेः खेःतेःनाःया त तोची दा” त दाय्‍ह्‌ती ओउः प्रधान् पुरोहीत्इ तोथातो

मत्ती 4:3

ओउःत योङ्‌क्राय्‌तोक्‌हाङः ओउः सैतान् लान्‌पाय् थ्‍योन्‍ह्‌ती योलाङ् वाङ्‌ती “लौ नाङ् दोङ्‌सीलेः परमेस्‍वर्‌कोः चोःलेःतेः खेःतेःनाः त खेःया इ बाङ्‌कायः ‘लौ लाङ् थाङ्‌ती स्‍याव्अ’ त दाय्‍ह्‌ती तोउ दा” त दाय्‍ह्‌ती येसुकायः तोथातो

मत्ती 8:16

ओहाङःसैको जेःती भ्‍याआक्‌तीको न्‍याम् ब्‍लक्ओ बेलाहाङः येसुकःताङ् नाःतो लान्इ ङायःओलम्‌कायः वानःआकानी। ओउःकःताङ् वानःआक्‌तीको येसुइ लान्‌कायः तोती ल्‍हेस्‌नी वाय्‌माआकान् सबै जीक्ओलम्‌कायः स्‍याक्‌ताक्‌माआकान्।

मत्ती 8:29

ओहाङःसैको ओउःनीस् येसुकःताङ् क्रुस्‌लाङ् वाङ्‌ती “लौ नाङ् परमेस्‍वर्‌कोः चोः लेःतेःआः बा। नीचीकायः नाङ् दोह् हायःलाङ् वाङ्‌तेःआ। नीचीकायः न्‍युम्‍ह्‌ताक्‌लाङ् वाङ्ओतेःया” त दाय्‍ह्‌ती येसुकायः व्‍हत्आक्‌चु।

मत्ती 8:4

ओउःखेपाय् सेलः स्‍याव्आक्‌तीको “लौ ‘येसुइ स्‍याक्आलाङः’ त दाय्‍ह्ओ सुकायःमा छ्यानःतेःचौ। सुकायःमा छ्यानःमाःत पुरोहीत्‌कःताङ् रेन्‍ह्‌तो आल्‌ती ओउःकायः ह ‘लौ द्याह् ङापाय् सेलः स्‍याव्आलाङः’ त दाय्‍ह्‌ती लयःकोः आङ् छ्यानःआक्उ। ओहाङःसै आङ् छ्यानःआक्‌तीको मोसाइ गानाक्‌ती तोओ जवसाकायः मन्‍दीर्‌हाङः परमेस्‍वर्‌कायः वाः मेत्‌छ्याः सात्‌ती ओउःकायः ल्‍हाउ दा। एत हायःआक्‌तीको सबैइ नाङ्‌कायः ‘सेलः मुलेःनाः’ त चीःनानी” त येसुइ दाय्‍ह्‌ती तोआथै।

मर्‌कस् 1:25

“अ ङैमाःत मुअ। ओउः मान्‍ताकायः ल्‍हेस्‌ती फेउ” त दाय्‍ह्‌ती येसुइ गानाक्‌ती लान्‌कायः जान्‌तीलेः तोआकान्।

मर्‌कस् 1:32

ओहाङःसैको जेःती भ्‍याआक्‌तीको राम्‍हसैलो न्‍याम् ब्‍लक्‌खेःओ बेलाहाङः सबै जीक्ओलम्‌कायःमा लान्इ ङायःओलम्‌कायःमा येसुकःताङ् वानःआथास।

मर्‌कस् 1:34

ओहाङःसैको येसुइ नाःतो खाल्‌कोः जीक्ओलम्‌कायःमा स्‍याक्‌ताक्आथास फेरी नाःतो लान्‌लम्‌कायःमा मान्‍ताकःसै ल्‍हेस्‌ती वाय्आकान्। ओउः लान्‌लम्इ येसुकायः तय्‍ह्‌ती झ्‍यान्‍ते येसुइ ओउःमयःकायः नोःसा ताक्उसुलु।

मर्‌कस् 3:11

फेरी लान्इ ङायःओलम्इमा येसुकायः च्‍यवःआक्‌तीको ओउःकायः बाःती “लौ नाङ्‌जा परमेस्‍वर्‌कोः चोः लेःतेःआः बा” त दाय्‍ह्‌ती स्‍यवनीतो “इ कुरा सुकायःमा नोःलाम्” त दाय्‍ह्‌ती येसुइ जान्‌ती तोआथास।

लुका 4:39

ओहाङःसैको ओउः जीक्ओ मान्‍ताकःताङ् वाङ्‌ती येसु ओउःकोः छेव्‌हाङः चीङ्‌ती “लौ इकायः अय्ओ फेपाःथै” त दाय्‍ह्‌ती तोआकान्। इत तोआक्‌तीको ओउः मोमःचोःकोः अय्ओ जुगाङ् समःआथै। ओउःकोः अय्ओ समःती स्‍याक्आक्‌तीको सीमोन्‌कोः आय् चीङ्‌ती येसुकायःमा ओउःकुस् वाह्ओमयःकायःमा जेःगालम् दोल्‌कावःती बयःआथास।

युहना 20:31

दोह् दोह् इहाङः लेखती मुनाः “येसुपाय् ओउः वाङ्‌सा खेःओ ख्रीस् लेःआः परमेस्‍वर्‌कोः चोः” त छ्यानःती नीङ्‌कायः ङ्‌हाम्‌ताक्‌साकायः लेखओ मुनाः। ओहाङःसैको ङ्‌हाम्आक्‌तीको रौ जीङःतेः दोःतेःनै।

याकुब् 2:19

“यातैज्‍याङ् परमेस्‍वर्‌ लेःआः” त दाय्‍ह्ओ नाङ्इ ङ्‌हाम्‌तेःनौया ओउःपाय् पेसापाय् पेलेःनाः बुरु लान्‌लम्इमा ओउःतलेः ङ्‌हाम्‌ती “लोनेः ङी न्‍युम्‍ह्‌तो स्‍याव्‌नाङी” त चीःती ओउः लान्‌लम् रैतीलेः रीङ्‌ह्‌नै।