लुका 4:21 - चेपाङ

²¹ “लौ इ नीङ्इ मेस् सायःओ परमेस्‍वर्‌इ बयःओ आखरःकोः कुरापाय् तेन्‌लेः ताप्‌तो स्‍याव्ओआः बा” त दाय्‍ह्‌ती येसुइ तोआथास।

लुका 4:21 ပူးပေါင်းရင်းမြစ်များ

मत्ती 13:14

ओउःतलेः एसायाकोः उय्‍ह्‌ले तोओ कुरा ताप्‌ताक्‌नानी ‘ “लौ सायःसापाय् सायःतीलेः मुतेःइतो चीःसा खाय्‌तेःनीली योसापाय् योतीलेः मुतेःइतो च्‍यवःसा खाय्‌तेःनीली।

लुका 4:20

इ कुरा पह्रआक्‌तीको येसुइपाय् कीताप् खुम्‌ती ओउः कीताप् गम्ओ मान्‍ताकायः पाय्‍क्‌लाङ् ल्‍हाआकान्। ओहाङःसैको येसु फेरी च्‍युङःआक्‌तीको ओउः थनःओ कीम्‌हाङः मुओलम् सबैइ ओउःकायः घीःती योथातो

लुका 4:22

ओहाङःसैको येसुइ इतलेः आन व्‍हाय्ओमा क्‍लोनःती तोओ कुरा स्‍यान्‌ती झ्‍यान्‍ते सायःओलम्इ आन ग्‍याङ्‌ह्आकाय् “ओउःपाय् इहाङःकोः युसेफ् त तोओकोः चोः लेःआः माःर” त दाय्‍ह्‌ती नोःकाय्आकाय्।

युहना 5:39

परमेस्‍वर्‌कोः आखरःपाय् नीङ्इ ‘लौ इ आखरःपाय् पह्रती ङी रौ जीङः दोःनाःतय्‍ही बा’ त ताःती आन पह्रती मुतेःनै ओउः आखरःहाङः ङाकोः कुरा मुलेःनाः।

खबरदुत 3:18

इ कुरा परमेस्‍वर्‌इ ङ्‌हालेः छ्यानःती तोओ खेःतो ‘लौ ङाकोः ख्रीस् त तोओ मान्‍ताइ आन लीह्‌सीःओ गोरःसामा सीसामा खेःतो’ त उय्‍ह्‌लेहाङः परमेस्‍वर्‌इ लयःकोः मान्‍तालम्‌कायः छ्यानःआकान्। द्याह् इ कुरा तेन्‌छ्याङ् ताप्‌तोलेः स्‍याव्‌ताक्आकान्।