लुका 4:18 - चेपाङ18 “लौ ङापाय् प्रभु परमेस्वर्कोः ग्वालामः दोःआलाङः दोह् हायःती दाय्ह्सा ओउःकोः पेओ समचार् नाःतो नाःमालोलम्कायः थोल्ह्ती तोसाकायःमा छ्युङ्ह्आताङः। थुनती मुओलम्कायः ‘लौ बेन्तेःनाः’ फेरी च्यवःसा खाय्मालोलम्कायः ‘लौ च्यवःतेःनानी’ त तोसाकायःमा अरुइ ग्रक्ओ मान्तालम्कायः फेताक्साकायःमा အခန်းကိုကြည့်ပါ။ |
लुका 4:18
56 ပူးပေါင်းရင်းမြစ်များ
ओउःत झ्यान्ते “लौ युहनाकःताङ् द्यान्ह्ती पाय्ह्ज दा। ओउःकायःपाय् ङाइ जाङ्ह्ओ काम्लम्कोः दोह् दोह्लो नीङ्जीइ च्यवःतेःआकाजु सायःतेःआकाजु ओउःलेः युहनाकायः ल्हाक्ती छ्यानःलाङ् आल्ज दा। मीक्इ च्यवःआक्मालो मान्तालम्इपाय् द्याह् च्यवःसा खाय्नानी क्ल्योय्बाङ् मान्तालम्इमा द्याह् पेतो वाह्सा खाय्लेःनानी। कोह्र् चाओलम् द्याह् सेलः स्याव्नै नो लोक्ओलम्इ पेतो सायःसा खाय्नानी जुगाङ् सीओलम्मा उह्ती च्योक्लेःनै ह्र्यात्लम्कायः परमेस्वर्कोः पेओ कुरापाय् तोओलेः मुनाः।
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
दोङ्सीलेः तेन्छ्याङ्पाय् नाङ्इ छ्युङ्ह्ओ ख्रीस् त तोओ येसुकःताङ् ल्हुङ् मल्ह्तो स्याव्ती झ्यान्ते यहुदीयाकोः हेरोद् राजामा रोमी देस्कोः अन्चलादीस् पोन्तस् पीलातस्मा इस्राएल्कोः मान्तालम्कुस्मा इस्राएल् जात् खेःमालो मान्तालम्कुस्मा हुम्ती सबैइ नाङ्कोः लयः छ्युङ्ह्ओ जय्कुमःओ काम् जाङ्ह्ओ येसुकायः सात्सा बोङःनीतो
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ကြော်ငြာတွေ