लुका 4:16 - चेपाङ

¹⁶ ओहाङःसैको येसु लयःकोः नासरेत् सहर्‌ताङ् पाय्‍ह्आ। ओउःहाङः पाय्‍ह्आक्‌तीको लयः जवओ जाङ्‌ह्‌ती यहुदीलम्‌कोः सन्‍चर्‌बार्‌ दीन्‌हाङः येसु थनःओ कीम्‌ताङ् आल्‌ती पोक्आ। पोक्आक्‌तीको येसुपाय् परमेस्‍वर्‌कोः आखरः पह्रसाकायः चीङ्आ।

लुका 4:16 ပူးပေါင်းရင်းမြစ်များ

मत्ती 2:23

ओहाङःसैको ओउःकायः फेरीलेः परमेस्‍वर्‌इ माङःखाहाङः गानाक्‌ती तोती झ्‍यान्‍ते युसेफ् गालील देस्‌ताङ् आल्‌ती नासरेत् त तोओ गाव्‌ताङ् याक्आकाय्। ओउःत हायःती येसुकायः “ओउःकायःपाय् ‘नासरेत्‌कोः’ त तोनानी” त दाय्‍ह्‌ती उय्‍ह्‌लेकोः परमेस्‍वर्‌कोः कुरा छ्यानःओमयःइ लेखओ द्याह् ताप्‌तोलेः स्‍याव्आ।

लुका 2:39

ओहाङःसैको मन्‍दीर्‌कोः कुरा सबै जाङ्‌ह्‌ती खाय्आक्‌तीको मरीयम् पय्‍क्‌चाः येसु चोः लात्‌ती लयःकोः गालील अन्‍चल्‌कोः नासरेत् सहर्‌ताङ् द्यान्‍ह्‌ती पाय्‍ह्आकाच।

लुका 2:42

ओउःत झ्‍यान्‍ते येसु बार बर्‌स स्‍याव्‌तोक्‌हाङः ओउः साल्‌कोः च्‍योल्ओ दीन्‌कोः छ्यात्‌हाङः येसुकोः आमा आपाइ ओउःकायः यरुसालेम्‌ताङ् लात्‌ती आलःआथै।

लुका 2:51

ओहाङःसैको येसु आमा आपाकुस् नासरेत् सहर्‌ताङ् द्यान्‍ह्‌ती पाय्‍ह्आकाय्। ओउःहाङः पाय्‍ह्आक्‌तीको येसुइ लयःकोः आमा आपाइ तोओ कुरा पेतो सायःती जाङ्‌ह्आकान्। ओहाङःसैको ओउः चोःकायः स्‍याव्ओ कुरापाय् ओउःकोः मरीयम् आमाइ लयःकोः ल्‍हुङ्‌हाङः सेती गम्आकान्।

लुका 4:15

ओहाङःसैको द्यान्‍ह्‌ती पाय्‍ह्आक्‌तीको येसुइ ओउः यहुदी मान्‍तालम्‌कोः थनःती हुम्ओ कीम्‌लम्‌हाङः पोक्‌ती ओउःहाङः स्‍यान्‌ती तोआकान्। ओउःत स्‍यान्‌ती तोतोक्‌हाङः सबै मान्‍तालम्इ ओउःकायः “लौ इपाय् आन व्‍हाय्‌तोलेः स्‍यान्‌नौ बा” त दाय्‍ह्‌ती लुङ्‌तीलेः नोःकाय्आकाय्।

लुका 4:17

येसु चीङ्‌तोक्‌हाङः ओउः कीम्‌कोः मान्‍तालम्इ उय्‍ह्‌लेकोः एसाया त तोओ परमेस्‍वर्‌कोः कुरा छ्यानःओमयःइ लेखओ कीताप् ल्‍हाआथै। ओउः ल्‍हाओ कीताप् त्‍याक्‌ती फेल्‌ती येसुइ यात्‌ज्‍योः कुरा बोङःती च्‍यवःआक्‌तीको पह्रलेःआ।

लुका 4:21

“लौ इ नीङ्इ मेस् सायःओ परमेस्‍वर्‌इ बयःओ आखरःकोः कुरापाय् तेन्‌लेः ताप्‌तो स्‍याव्ओआः बा” त दाय्‍ह्‌ती येसुइ तोआथास।

लुका 4:23

ओउःमयः ओउःत नोःकाय्इतो “लौ ङाकायःपाय् ‘नाङ्‌पाय् दाक्‍तर्‌तेः मुतेःनाः त झ्‍यान्‍ते लयःकायः स्‍याक्‌स दा’ त दाय्‍ह्‌ती दाय्‍ह्ओ कुरा नीङ्इ तोतेःनानाङ्‌स यादो। ‘कफर्‌नाहुम् सहर्‌हाङः नाङ्इ जाङ्‌ह्ओ ग्‍याङ्‌ह्‌राय्‌लम् इहाङःमा जाङ्‌ह्‌ती छ्यानःताङी दा’ त दाय्‍ह्‌तीमा तोतेःनानाङ्‌स।

युहना 18:20

“ङाइ स्‍यान्ओ कुरा सबैकःहाङः फुती तोआलाङः बा। थनःओ कीम्‌हाङःमा मन्‍दीर्‌हाङःमा गाःहाङःमा यहुदीलम् हुम्‌लाङ् वाङ्‌नै ओहाङः ङाइ गलमा स्‍यान्आलाङः। मान्‍ताइ चीःमाःत अरु कुरापाय् गलमा स्‍यान्‌ती नोःङल।

खबरदुत 17:2

ओउः थनःओ कीम्‌ताङ् पावुल्‌पाय् सन्‍चर्‌बार्‌ सन्‍चर्‌बार्‌हाङः आल्‌माआ। सुम् सातच्‍युक्‌कायः पावुल्इ परमेस्‍वर्‌कोः आखरः पह्रती ओहाङः हुम्ओ मान्‍तालम्‌कायः स्‍यान्आथास।