लुका 3:23 - चेपाङ

²³ ओउःतलेः दाय्‍ह्‌ती दाय्‍ह्आ ओहाङःसैको येसुकोः स्‍यान्‌ती तोओ काम् जाङ्‌ह्‌खयःतोक् बेलाहाङः येसुपाय् तीस् बर्‌सच्‍युक् स्‍याव्ओ खेःतो। ओउःपाय् युसेफ् त तोओकोः गोय्‌चोःचोः लेःआः त मान्‍तालम् म्‍हर्‌आकाय्। युसेफ्‌कोः आपा एली त तोओ खेःतो।

लुका 3:23 ပူးပေါင်းရင်းမြစ်များ

मत्ती 1:1

येसु ख्रीस् त तोओ आब्राहाम्‌कोः प्‍लोमःदानेमा खेःतो दावुद् राजाकोः प्‍लोमःदानेमा खेःतो। इहाङः येसुकोः होह्र् थेङ्ओ लेखती मुनाः।

मत्ती 1:16

याकुब्‌कोः युसेफ्। युसेफ् त तोओपाय् मरीयम्‌कोः बुधा खेःतो। फेरी मरीयम् त तोओपाय् येसुकोः आमा खेःतो। येसुपाय् परमेस्‍वर्‌कःसै वाङ्‌सा खेःओ ख्रीस् त तोओ लेःआः।

मत्ती 1:6

ओहाङःसैको दावुद्‌कोः गोय्‌चोः सुलेमान् खेःतो सुलेमान्‌कोः आमा ङ्‌हा उरीयाह् त तोओकोः बुधी खेःतो।

मत्ती 13:55

इपाय् ओउः सीकर्‌मीकोः गोय्‌चोःचोः लेःआः बा। इकोः आमा मरीयम् लेःआः हौचोङ्‌पाय् याकुब् युसेफ् सीमोन् यहुदात तोओ लेःइ।

मत्ती 4:17

ओहाङःसैको ओउःतोक्‌हाङःसै येसुइ सबैकायः गानाक्‌ती तोती “लौ परमेस्‍वर्‌कोः राजी दाङ्‌खेःनाः बा ओउःत झ्‍यान्‍ते लःलयःकोः रेव्ओ काम्‌खे फेती परमेस्‍वर्‌कोः पेओ कुरा ङ्‌हाम्‌ती जाङ्‌ह्‌नु दा” त दाय्‍ह्‌ती येसुइ थोल्‍ह्‌ती तोओ खेःतो।

मर्‌कस् 6:3

इपाय् ओउः सीकर्‌मी लेःआः माःर। इकोः आमा मरीयम् लेःआः हौचोङ्‌पाय् याकुब् युसेफ् सीमोन् त तोओलेःइ इकोः हौद्याङ्‌लम् ङीकुस् सबै मुलेःनै। ङाकःगनसै वाङ्ओ मान्‍ताजा इत हायःसा गाःसै दोःओआः रैस” त दाय्‍ह्‌ती ओउः हुम्ओलम् नोःकाय्‌ती येसुकः ल्‍हुङ् मल्‍ह्‌तो स्‍याव्आकाय्।

लुका 2:48

ओहाङःसैको येसु एत हायःती मुओ च्‍यवःती ओउःकोः आमा आपानीस्‌मा ग्‍याङ्‌ह्आकाच। “अ चोः दोह् हायःतीतेः एतलेः लीह्‌ताक्‌तेःआताङ्‌च। ङामा नाङ्‌कोः आपाइमा नाङ्‌कायः बोङःती नीची आन ल्‍हुङ् र्‍याङःआकाच” त दाय्‍ह्‌ती येसुकायः आमाइ तोआकान्।

लुका 3:31

एलीआकीम्‌कोः आपा मेलीया। मेलीयाकोः आपा मेन्‍ना। मेन्‍नाकोः आपा मताथा। मताथाकोः आपा नथान्। नथान्‌कोः आपा दावुद् त तोओ खेःतो।

लुका 4:22

ओहाङःसैको येसुइ इतलेः आन व्‍हाय्ओमा क्‍लोनःती तोओ कुरा स्‍यान्‌ती झ्‍यान्‍ते सायःओलम्इ आन ग्‍याङ्‌ह्आकाय् “ओउःपाय् इहाङःकोः युसेफ् त तोओकोः चोः लेःआः माःर” त दाय्‍ह्‌ती नोःकाय्आकाय्।

युहना 1:45

ओहाङःसैको फीलीप् आल्‌ती यात्‌चाक् नथानएल् त तोओकायः क्रुस्आकान्। नथानएल्‌कायः क्रुस्आक्‌तीको “लौ ङीइ ओउः वाङ्‌सा खेःआ चाक्‌कायः क्रुस्आलाङःसु। ओउःकायःपाय् मोसाइमा अरु परमेस्‍वर्‌कोः कुरा छ्यानःओमयःइमा कुरा लेखआकानी। ओउःपाय् नासरेत् गाव्‌हाङः याक्‌ती मुओ युसेफ्‌त तोओकोः चोः येसु लेःआः बा” त दाय्‍ह्‌ती फीलीप्इ ल्‍हाक्‌ती तोआकान्।

युहना 6:42

“खेःल ओउःपाय् येसु लेःआः युसेफ् त तोओकोः चोः। ओउःकोः आमा आपा तय्‍ह्आलाङःसु ओउःत झ्‍यान्‍ते ओउः द्याह् गत हायःती ‘लाङ्‌कासै ग्‍ल्‍युङ्‌ह्आलाङः’ त नोःनाःस रैस” त दाय्‍ह्‌ती हुम्ओलम् नोःकाय्‌ती

खबरदुत 1:1

लौ थीओफीलस्‌य ओउः ङ्‌हा लेखओ कीताप्‌हाङः येसुइ जाङ्‌ह्ओ कुरामा स्‍यान्ओ कुरामा ङाइ सबै लेखती गम्आलाङः। ओउःकोः लाङ्‌काताङ् लनःनम् दीन्‌च्‍युक्‌हाङःलेः येसुइ दोह् दोह् हायःआकान् त लेखती ल्‍होक्‌नेःआलाङ्। त्‍यावःअ लनःधाङ्‌माखाहाङः येसुपाय् सीती च्‍योक्आक्‌तीको चालीस् दीन्‌च्‍युक्‌कायः नाःतो पल्‍त ओउःकोः लयः छ्युङ्‌ह्ओ मान्‍तालम्‌कःताङ् थाती वाङ्‌ती “ङापाय् च्‍योक्‌ती मुओ येसु लेःआः ङ” त ओउःमयःकायः तय्‍ह्‌ताक्‌सा थेङा लयःलेः छ्यानःआथास। इत छ्यानःतोक्‌हाङः ओउःइ परमेस्‍वर्‌कोः ग्‍वालामःइ स्‍यान्ओ कुरापाय् लयःकोः छ्युङ्‌ह्ओमयःकायः गानाक्‌ती तोआथास परमेस्‍वर्‌कोः राजीकोः कुरामा स्‍यान्आथास।