लुका 3:13 - चेपाङ

¹³ वाङ्आक्‌तीको “अ गुरुय ङीइ दोह् हायःचाङःसु ती” त दाय्‍ह्‌ती ओउःमयःइमा व्‍हत्‌नीतो “लौ उथावसा खेःओ पैसासै न्‍हाङ्‌तोलेः नाःतो त्‍याक्‌ती जेःलाम्” त दाय्‍ह्‌ती तोआथास।

लुका 3:13 ပူးပေါင်းရင်းမြစ်များ

मत्ती 7:12

फेरी दोह् दोह्‌लो अरुखेइ नीङ्‌कायः जाङ्‌ह्‌सा झाक्‌तेःचै ओउःलेः नीङ्‌खेइ अरुकायः जाङ्‌ह्‌नु दा। ओउःत हायःओ उय्‍ह्‌लेकोः आखरःहाङःमा परमेस्‍वर्‌कोः कुरा छ्यानःओमयःमा दाय्‍ह्‌ती स्‍यान्ओ खेःतो।

लुका 19:8

ओहाङःसैको ओउःकोः कीम्‌हाङः मुतोक् बेलाहाङः जखैस् चीङ्‌ती “लौ प्रभुय द्याह् ङाकोः गह्र्लम्‌पाय् गुच्‍युक् मुलेःनाः ओउः ङाइ वेःती आधाच्‍युक् ह्र्यात् मान्‍तालम्‌कायः बयःनाङःसु। फेरी गुच्‍युक् पैसा ङाइ अरुसै माःती जेःओआः ओउः पैसापाय् ङाइ चार्‌ भाक् पाःतीलेः पाय्‍क्‌नाङःसु” त दाय्‍ह्‌ती जखैस् दाय्‍ह्आ।

लुका 3:12

ओहाङःसैको पैसा उथावओ जीमदार्‌लम्‌मा बाप्‍तीस्‍मा त्‍याक्‌सा थेङा तेलाङ् वाङ्आकाय्।

लुका 3:14

फेरी सीपाहीलम्‌मा वाङ्‌ती “लौ ङीखेइ आने दोह् हायःचाङःसु” त दाय्‍ह्‌ती युहनाकायः व्‍हत्आकानी। “लौ अरुकोः सामान् लालाम् अरुकायः माःती गाल्‌तुम्‌ती नोःलाम्। नीङ्‌कोः जागीर्‌ य्‍हवःमाःत त्‍याक्‌नु दा” त दाय्‍ह्‌ती युहनाइ त्‍याङ्‌ती तोआकान्।

१ कोरीन्‍थी 6:10

कुःरेव् जेःरेव् ङोरेव् मान्‍तामा पेमालो जवती नोःओ मान्‍ता आन पैसा क्‍युती जेःओ मान्‍तामा ओउःमयः सबैलेः परमेस्‍वर्‌कोः राजीहाङः मुसा दोःइली।

एफेसस् 4:28

क्रुत् ह्रन्‍ह्ओ मान्‍तापाय् ताः ताः कुःताःनुलु ओउःइ लयःकोः क्रुत्इ पेओ काम् जाङ्‌ह्‌पानी। ओहाङःसै ओउःइपाय् लयःकोः जेःगा तुङ्‌गा लेःसामा खाय्‌नानी नाःतो नाःमालोलम्‌कायः बयःसामा खाय्‌नानी।

हेब्रैनी 12:1

ओउःच्‍युक् नाःतो पेतो हायःओलम् ङीकोः ङ्‌हासै वाह्आकाय् त खेःओ लौ वाह्‌तोक्‌हाङः दोह् दोह् कुराइ लीःनाःतय्‍ही दोह् दोह्इ रेव्‌ताक्‌नाःतय्‍ही ओउःपाय् जुगाङ् फेती ल्‍याम्‌कोः ङ्‌हाताङ् योती ल्‍हुङ् क्रोङ्‌तोलेः पेतो वाह्इ।