लुका 24:52 - चेपाङ

⁵² ओहाङःसैको येसु ओउःकुस् वाह्ओमयःकःसै वेङ्‌काय्आक्‌तीको ओउःमयः येसुकायः ताङ्‌ह्आक्‌तीको चोङाय्‌तीलेः यरुसालेम्‌ताङ् द्यान्‍ह्‌ती पाय्‍ह्आकाय्।

लुका 24:52 ပူးပေါင်းရင်းမြစ်များ

मत्ती 28:17

ओहाङः येसु उह्‌ती च्‍योक्ओ च्‍यवःआक्‌तीको ओउःमयःइ ओउःकायः स्‍यवती ताङ्‌ह्‌ताक्आथै। यात्‌नीस्‌चाक् मान्‍तालम्‌खे “येसु उह्‌ती च्‍योक्ओआः” त ङ्‌हाम्आक्‌नीली।

मत्ती 28:9

तन्‌ती पाय्‍ह्‌तोक्‌हाङः ओउःमयः येसुकुस् क्रुस्‌काय्आकाय् “लौ ल्‍हुङ् धोमाय्‌ती मुन” त दाय्‍ह्‌ती येसु दाय्‍ह्आ ओउःमयः साःताङ् बाःती ओउःकोः दोम् दीन्‍ह्‌ती स्‍यवआथै।

लुका 24:51

ओहाङःसैको आसीक् बयःतोक्‌हाङः ओउःमयः योयोबालेहाङः येसुपाय् लाङ्‌काताङ् लनःओ खेःतो।

लुका 24:53

यरुसालेम्‌ताङ् पाय्‍ह्आक्‌तीको ओउःमयः मन्‍दीर्‌ताङ् छ्युह्‌तीलेः आल्‌ती ओहाङः परमेस्‍वर्‌कायः ताङ्‌ह्‌ताक्‌तीलेः तोझुङ्आकानी।

युहना 14:28

ङाधाङ् आल्‌धाङ्‌चाङः फेरी द्यान्‍ह्‌तीलेः वाङ्‌नाङः त ङाइ तोओ सायःतेःआकानी। ङाकायः राप्‌तेःनानाङ्‌स त खेःया ‘ओउःपाय् आपाकःताङ् आल्‌नाः’ त सायःआक्‌तीको नीङ् चोङाय्‌तो स्‍याव्‌तेःनै दोह् हायःती दाय्‍ह्‌सा ङाकोः आपा ङासै ताङ्‌ह्‌लेःनाः।

युहना 16:22

ओउःलो लेखा नीङ्‌मा द्याह् लीह्‌तेःनानी लोने ङा फेरी क्रुस्‌नेःनाङ्‌स ओहाङःसैको नीङ् आन चोङाय्‌तेःनै सुइमा नीङ्‌कायः लीह्‌ताक्‌तेःइली।

युहना 16:7

दोङ्‌सी दाय्‍ह्‌भनाङ् ङा आल्‌नाङः त खेःया नीङ्‌कायः पेलेःनाः दोह् हायःती दाय्‍ह्‌सा ङा आल्‌ङल त खेःया परमेस्‍वर्‌कोः ग्‍वालामः नीङ्‌कायः लव्‍ह्‌लाङ् वाङ्‌ल। ङा आल्आक्‌तीको ओउःकायः नीङ्‌कःताङ् ल्‍होक्‌नाङः।

युहना 20:28

“लौ ङाकोः प्रभुय ङाकोः परमेस्‍वर्‌य” त दाय्‍ह्‌ती थोमा दाय्‍ह्आ।

खबरदुत 1:12

एत नोःआक्‌तीको येसुकोः छ्युङ्‌ह्ओमयः जैथुन्‌सायः बुम्‌सै ग्‍ल्‍युङ्‌ह्‌ती यरुसालेम्‌ताङ् पाय्‍ह्आकाय्। ओउः जैथुन्‌सायः त तोओ बुम्‌पाय् यरुसालेम् सहर्‌कुस् द्याङ्‌काय्‌तो खेःतो माहा लोक्‌ल।

१ पत्रुस् 1:8

ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।