लुका 24:47 - चेपाङ47 ओहाङःसैको यरुसालेम्हाङःमा लोने सबै देस्लम्हाङःमा ‘लौ रेव्ओ काम्लम् फेती ख्रीस्इ तोओ कुरा ङ्हाम्ओ त खेःया रेव्ओ काम् जाङ्ह्झ्याङ्कोः क्युम्ह्ती वाय्सालेः स्याव्नाः’ त दाय्ह्ओ सबैकायः तोसा खेःतो। इ कुरा परमेस्वर्कोः आखरःहाङः लेखती मुनाः। အခန်းကိုကြည့်ပါ။ |
लुका 24:47
52 ပူးပေါင်းရင်းမြစ်များ
ओउःलो लेखालेः ङा पेओ मान्तालम्खेकायः खेःल पेमालो मान्ताखेकायः ह ‘लौ नीङ्कोः रेव्ओ काम् फेती ङाकोः पेओ काम् जाङ्ह्नु दा’ त दाय्ह्ती होम्ती तोलाङ् वाङ्ओआः ङ। लौ इ आखरःहाङः लेखओ कुरा स्यान्इसी दा। ‘ङाकायःपाय् स्याः ल्हाती बयःसा जवओ झाक्ङल नीङ्इ अरु मान्ताकायः योनःती योसा ओउःत हायःओलेः ह झाक्नाङः बा’ त दाय्ह्ती तोओ नीङ्इ चीःसा खेःतेःनै” त दाय्ह्ती येसुइ तोआथास।
अ नीङ् यरुसालेम्कोः मान्तालम्य परमेस्वर्कोः कुरा छ्यानःओमयःकायः नीङ्इ आनतेः सात्तेःनानी। नीङ्कःताङ् ल्होक्ओ मान्तालम्कायःतेः आनतेः बाङ्इ आप्ती थोःतेःनानी। ओउःत हायःतेःनानी आमा वाःइ लयःकोः चोःलम्कायः गोत्ती ओम्पायःती गम्ओलो लेखा ङाइमा नीङ्कायः गोत्ती ओम्पायःती झाक्झुङ्ङोतो नीङ्तेः ङाकःताङ् वाङ्सा ग्यातेःइली।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
ङ्हा दामास्कस्ताङ् आल्ती ओहाङः प्रभु येसुइ स्यान्ओ कुरा ङाइ ल्हाक्ती छ्यानःआलाङःसु। ओहाङःसैको यरुसालेम्हाङःमा सबै यहुदीया देस्हाङःमा लोन्ते अरु अरु जात्लम्कोः देस्लम्हाङःमा ङाइ इ कुरा छ्यानःआलाङःसु। ‘सबै मान्तालम्इ लयःलयःकोः रेव्ओ काम्लम् फेती परमेस्वर्कोः कुरा पेतो ङ्हाम्ती जाङ्ह्पानी’ त तोती सबैकायः स्यान्ओ खेःङोतो।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
ကြော်ငြာတွေ