लुका 24:44 - चेपाङ44 ङाः जेःआक्तीको “ङा नीङ्कुस् ङ्हा मुतोक्हाङः ‘लौ मोसाइमा परमेस्वर्कोः कुरा छ्यानःओमयःइमा भजन्हाङःमा ङाकायः लेखती तोओ कुरा सबै ताप्तो स्याव्सा खेःतो’ त ङाइ दाय्ह्ती स्यान्नेःआलाङ्स” त दाय्ह्ती အခန်းကိုကြည့်ပါ။ |
लुका 24:44
88 ပူးပေါင်းရင်းမြစ်များ
ओहाङःसैको येसुइ अरु कुरालेः स्यान्ती तोती “लौ ङापाय् यरुसालेम्ताङ् आल्सा खेःनाङः। ओहाङःकोः तोङ्ह्ओ मान्तालम्मा धर्मा स्यान्ओमयःमा ताङ्ह्ओ पुरोहीत्लम्इमा ङाकायः आन लीह्सीःतो जाङ्ह्ती लोनेः सात्लेःनाःताङः। सात्सापाय् सात्ताङःतो सुम्दीन् पुत्आक्तीको ङा उह्ती च्योक्लेःनाङः” त दाय्ह्ती येसुइ लोनेः स्याव्सा कुरालेः स्यान्ती तोआथास
“ङा मान्ताकोः चोः त तोओपाय् आन लीह्सीःओ गोरःसा खेःतो। यहुदीकोः ताङ्ह्ओ मान्तालम्मा धर्मा स्यान्ओलम्मा ताङ्ह्ओ पुरोहीत्लम्मा ओउःकः ल्हुङ् मल्ह्तो स्याव्ती झ्यान्ते ओउः मान्ताकोः चोःकायः सात्लेःनाःथै। ओउःकायःपाय् सात्सापाय् सात्नीतो सुम् दीन् पुत्आक्तीको ओउःपाय् उह्ती च्योक्लेःनाः” त दाय्ह्तीमा येसुइ लोनेः स्याव्सा कुरा स्यान्ती तोआथास।
द्याह् ङी प्लोमःदाने मोमःदाने मुओ बेलाहाङः इ तोती गम्ओ कुरापाय् ताप्ताक्तोलेः जाङ्ह्ती परमेस्वर्इ येसुकायः च्योक्ताक्ती स्याव्ताक्आकान्। ओउः कुरापाय् इतलेः लेखओ खेःतो ‘लौ नाङ्पाय् ङाकोः चोःतेः खेःतेःनाः। तेन्पाय् ङाइ नाङ्कायः जीङः दोःताक्नेःआलाङ्’ त दाय्ह्ती परमेस्वर्कोः आखरःहाङः दावुद्इ लेखओ मेओ कुरा मुनाः।
हेब्रैनीलम्कोः ऐन्कोः कुरापाय् ओउः लोनेः वाङ्सा दोङ् कुरा खेःल। ओउःपाय् लोनेः वाङ्सा कुराकोः क्वालाङः ह। ऐन्कोः कुरा जवओलम्इ साल् साल्हाङः यातैज्योः खाल्कोः थोक्पाय् ज्युङ्ह्ती ज्युङ्ह्ती ल्हानानी। ओउःपाय् साल् साल्कायः ल्हासा खेःतो ओउःत खेःया ओउः खाल्कोः ल्हाधार्नापाय् परमेस्वर्कःताङ् वाङ्सा मान्तालम्कोः ल्हुङ्तुक् जुगाङ् पेताक्सा खाय्उलु।
ओउःमयः येसु ख्रीस्कोः ग्वालामः दोःती “ओउः लोने वाङ्सा खेःओ चाक्पाय् लीह्सीःओ गोरःआक्तीको लोने आन पेतोमा तोङ्ह्तोलेः स्याव्लेःनाः” त दाय्ह्ती ङ्हासै येसु ख्रीस्कोः कुरा छ्यानःआकानी। ओउःच्युक्पाय् छ्यानःसापाय् छ्यानःनीतो ओउः बेलाहाङः गतलो दाङ्नाः गलखा वाङ्नाः त चीःसाकायः आन बोङःआकानी।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ