लुका 24:24 - चेपाङ

²⁴ ओउःत झ्‍यान्‍ते यात्‌नीस् अरु ङीकुस् मुओलम्‌मा येसुकोः तेस्‌ताङ् आल्‌ती ओउः मोमःचोःलम्इ तोओलो लेखालेः सोह् घाङ् ह च्‍यवःताङःआकानी येसुकायः च्‍यवःताङःनीली” त दाय्‍ह्‌ती ओउः नीस्‌चाक् एमावुस्‌ताङ् वाह्ओलम्इ येसुकायः ल्‍हाक्‌ती तोआथै।

लुका 24:24 ပူးပေါင်းရင်းမြစ်များ

मत्ती 2:7

एत तोओ सायःआक्‌तीको हेरोद् राजाइ ओउः दाह्‌न्‍याम्‌सै वाङ्ओ व्‍हाय्ओलम्‌कायः झुङ्आले लयःकःताङ् गोत्आकान्। गोत्आक्‌तीको “लौ ओउः ख्रीस्‌कायः छ्यानःओ कार्‌ गलखा थाना” त दाय्‍ह्‌ती हेरोद्इ व्‍हत्आथास।

लुका 24:12

पत्रुस्‌खे चीङ्‌ती येसुकोः तेस्‌राङ्‌ताङ् तन्‌ती आल्‌ती येसुकायः पाम्‍ह्ओ घाङ्‌ताङ् खुङःती भीत्रहाङः योआकान्। भीत्र योतोक्‌हाङःपाय् येसुकोः ह्रावःनाय् ह च्‍यवःआकान् येसुकोः म्‍हाङ् मुल। इत च्‍यवःती पत्रुस्‌पाय् आन ग्‍याङ्‌ह्‌ती लयःकोः कीम्‌ताङ् पाय्‍ह्आ।

लुका 24:23

ओहाङः दाह्आक्‌तीको येसुकोः म्‍हाङ्‌ताङः च्‍यवःताङःनीली। ‘ङीइपाय् परमेस्‍वर्‌कोः लाङ्‌कासै ल्‍होक्ओमयः च्‍यवःआलाङी ओउःमयःइ “लौ येसुपाय् सेलः मुलेःनाः” त दाय्‍ह्‌ती तोआताङी’ त दाय्‍ह्‌ती ओउः मोमःचोःलम् द्यान्‍ह्‌ती तोलाङ् पाय्‍ह्आकाय्।

लुका 24:25

ओउःत सायःआक्‌तीको “अ नीङ् चीःमालो मान्‍तातेःआः इ। परमेस्‍वर्‌कोः कुरा छ्यानःओमयःइ ङ्‌हा तोओ कुरापाय् दोह् हायःतीतेः इत पेतो ङ्‌हाम्‌तेःनीली।