16 “इपाय् येसु लेःआः” त ओउःनीस्इ तय्ह्आक्चुलु।
ओहाङःसैको लोन्तेसै नीस्चाक् येसुकुस् वाह्ओमयः गाव्ताङ् आल्तोक्हाङः येसुपाय् थे रुप् स्याव्ती थाओ च्यवःआकाचु
इत नोःकाय्तोक् बेलाहाङः येसुपाय् लयःलेः ओउःनीस्कोः चीनःसै दाह्ती वाङ्ती ओउःनीस्कुस् वाह्इतो
ओहाङःसैको “लौ इ ल्याम् वाह्तोक्हाङः नीङ्जी दोह् दोह् त नोःतेःकाय्तेःआकाज” त दाय्ह्ती येसुइ व्हत्आथाच। इत व्हत्आक्तीको ओउःनीस् ल्हुङ् लीह्ती न्यास्आकाच।
इत हायःतोक्हाङः “इपाय् येसु लेःआः रैस” त ओउःनीस्इ तय्ह्आकाचु। येसुकायः तय्ह्ओ कुस्ब्रक्त ओउःपाय् मीह्ती ज्याल्आ।
मरीयम्इपाय् येसुलेः काह्सै चीङ्ओ च्यवःउतो ओउःकायः तय्ह्आक्उलु।
ओहाङःसैको न्याम् थोङ्खयःओहाङः येसु तीःकोः चीनःसै चीङ्ओ च्यवःआकानी। च्यवःसापाय् च्यवःनीतो “येसु लेःआः” त तय्ह्आक्नीली।
