लुका 23:35 - चेपाङ

³⁵ अरु मान्‍तालम् द्याङ्‌तोलेः योती मुओ खेःतो। ओहाङःसैको ओउः यहुदीलम्‌कोः ताङ्‌ह्ओ मान्‍तालम्‌खेइ येसुकायः हेला क्‍लाःधै मुती “इ मान्‍ताइपाय् अरुलम्‌कायः दल्‌ताक्आकान् त दाय्‍ह्ओ लेःआः ओउःपाय् दोङ् परमेस्‍वर्‌इ छ्युङ्‌ह्‌ती गम्ओ ख्रीस् लेःआः त खेःया ओउःइ लयःकायः दल्‌ताक्‌पाःस” त दाय्‍ह्‌ती तोआकानी।

लुका 23:35 ပူးပေါင်းရင်းမြစ်များ

मत्ती 12:18

“लौ ङाइ छ्युङ्‌ह्ओ आन राप्ओ नोकरी योनु दा। ओउःकः ङा आनलेः म्रोनाङः फेरी ओउःकायः ङाकोः ग्‍वालामःलेः बयःनाङः। ओउःइपाय् ङाकोः तय्‌छनःती योसा कुरालेः सबै जात्‌कोः मान्‍तालम्‌कायः छ्यानःती तोलेःनौ।

मत्ती 3:17

एत च्‍यवःतोक्‌हाङः “लौ इपाय् ङाकोः आन राप्ओ ल्‍हुङ्‌गोरे चोःलेःतेः खेःनाः बा। ओउःकः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्ओ वाङ्आ।

लुका 16:14

ओउःत स्‍यान्‌तोक् बेलाहाङः येसुइ तोओ कुरापाय् फरीसीलम्इ सायःती मुओ खेःतो। ओउःमयःपाय् पैसा क्‍युसालेः आन झाक्‌नै ओउःत झ्‍यान्‍ते ओउःमयःइ येसुइ स्‍यान्ओ कुरापाय् ङ्‌हाम्‌माःत ओउःकायः ङीःआथै।

लुका 23:13

ओहाङःसैको येसुपाय् पीलातस्‌कःताङ् द्यान्‍ह्‌ती ल्‍होक्आक्‌तीको पीलातस्इ ओउः ताङ्‌ह्ओ पुरोहीत्‌लम्‌मा अरु यहुदीकोः ताङ्‌ह्ओ मान्‍तालम्‌मा सबै हुम्ओ मान्‍तालम्‌कायः गोत्आथास।

लुका 23:39

ओहाङःसैको यात्‌चाक् येसु द्याङ्‌तोलेः योकोःती गम्ओ कुःर्‍यव् मान्‍ताइमा “नाङ्‌पाय् ओउः ख्रीस्‌लेःतेः खेःतेःनाः त खेःया लयःकायःमा नीचीकायःमा दल्‌ताक्‌ताङःच” त दाय्‍ह्‌ती येसुकायः तोथातो

१ पत्रुस् 2:4

लौ प्रभु येसुकःताङ् वाङ्‌न दा। कीम् जाङ्‌ह्ओ मान्‍तालम्इ ताती वाय्ओ बाङ्‌लो लेखालेः जीङः नाःओ प्रभु येसुकायः ङ्‌हाम्‌मालो मान्‍तालम्‌खेइ म्रोतीलेः त्‍याक्‌थाल परमेस्‍वर्‌खेइ येसुकायः आन म्रोतोलेः योती लयःकोः कीम् जाङ्‌ह्‌साकायः छ्युङ्‌ह्आथै।