लुका 23:34 - चेपाङ

³⁴ येसुपाय् ओउःकायः योकोःती गम्‌तोक्‌हाङः “लौ परमेस्‍वर्‌ आपाय इ ङाकायः सात्ओ मान्‍तालम्इ ‘ङीइ आन पेमालो हायःनाङःसु’ त चीःनीली ओउःत झ्‍यान्‍ते ओउःमयःकः योनःती योती नाङ्‌कोः ल्‍हुङ्‌पाय् मल्‍ह्‌तो स्‍याव्‌लाम् दै” त दाय्‍ह्‌ती येसुइ परमेस्‍वर्‌कायः तोआकान्। ओउःत तोतोक् बेलाहाङः येसुकोः नाय्‌लम् वेःसाकायः सीपाहीलम्इ बाङ् खेलती योआकानी।

लुका 23:34 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मत्ती 5:44

‘लौ नाङ्‌कायः पेमालो हायःओलम्‌कायःमा राप्‌नु’ त ङाइ द्याह् तोनेःनाङ्‌स। सुसुइ नीङ्‌कायः लीह्‌सीःओ बयःतेःचनै ओउःकायः ‘लौ इकायःपाय् पेतो स्‍याव्‌ताक्उ दा’ त दाय्‍ह्‌ती परमेस्‍वर्‌कः तेती तोनु दा।

मर्‌कस् 15:24

ओहाङःसैको बीहानलेः हल्‌फाव्‌ने बेलाहाङः येसुकायः साःहाङः पोत्‌ती गम्ओ क्‍ल्‍याय्ओ सीङःहाङः पानःती ओउःकोः दोम्‌क्रुत्‌हाङः खील्इ थाक्‌ती योकोःती गम्आथै। ओउःकोः नाय् लयःमयःकायः वेःसाकायः ओउः सीपाहीलम्इ बाङ् खेलती योआकानी।

लुका 22:42

“अ आपाय नाङ् ग्‍यातेःनाः त खेःया इ आन लीःओ भारी ङाकःसै त्‍याक्‌ची दा। इत ङाइ तेती तोलेःनाङ्‌तो ङा झाक्ओखे खेःल नाङ् लयः झाक्ओखे जाङ्‌ह्उ दै” त दाय्‍ह्‌ती तोआकान्।

युहना 17:9

ओउःमयःकायः ङाइ नाङ्‌कः तेती तोनेःनाङ्। सबै ल्‍हाव्‍ह्‌दैबाङ्‌कोः मान्‍तालम्‌कायः तोनाङ्‌ल ङाकायः बयःओ मान्‍तालम्‌कायः ह ङाइ नाङ्‌कः तेती तोनेःनाङ्।

युहना 19:11

“अ परमेस्‍वर्‌इ आःताः दोःताक्‌माःत नाङ्इ ङाकायः दोह्‌मातेः हायःसा खाय्‌तेःचीली ओउःत झ्‍यान्‍ते ङाकायः नाङ्‌कःताङ् ल्‍हालाङ् दाक्ओ मान्‍तापाय् नाङ्‌सै न्‍हाङ्‌तोलेः रेव्ओ लेःआः बा” त दाय्‍ह्‌ती येसुइ तोआकान्।

खबरदुत 16:28

“इत हायःलाम् लयः दोह्‌मातेः हायःतेःचाःस। ङी सबै मुआनाङी बा” त दाय्‍ह्‌ती पावुल्इ तोआथै।

खबरदुत 3:17

लौ पुःलम् हौलम्‌य नीङ्इमा नीङ्‌कोः ताङ्‌ह्ओ मान्‍तालम्‌मा चीःमाःतपाय् एत जाङ्‌ह्‌तेःआकानी। ओउःत ङाइ चीःलेःनाङः।

खबरदुत 7:60

फेरी लोने क्र्योङःइ घ्रुस्‌ती “लौ प्रभुय इ मान्‍तालम्‌कोः रेव्‌तो हायःझ्‍याङ्‌कोः क्‍युम्‍ह्‌ताक्‌पाःथास” त सोतो दाय्‍ह्‌ती सीआ। स्‍तीफन्‌कायः सात्‌सा ओउः सावुल् त तोओमा त्‍योम्‌ती नोःओ खेःतो।

रोमी 12:14

सुइ खेःयामा नीङ्‌कायः लीह्‌सीःओ बयःतेःनै ओउःकायः प्रनःती तोलाम् “परमेस्‍वर्‌इ पेतो स्‍याव्‌ताक्‌तेःपाः” त तोसा खेःतो।

१ कोरीन्‍थी 2:8

फेरी इ कुरा ल्‍हाव्‍ह्‌दैबाङ्‌कोः ताङ्‌ह्ओ हुकुम् बयःओलम्इ चीःआक्‌नीली। ओउःमयःइ चीःयाकायः ङीकोः पेओमा ताङ्‌ह्ओ प्रभु येसुकायः क्‍ल्‍याय्ओ सीङःहाङः सात्आक्‌नीली खेःतो।

१ कोरीन्‍थी 4:12

ङी लयःकोः क्रुत्इ आन काम् जाङ्‌ह्‌नाङःसु। अरुखेइ ङीकायः प्रनःनाःताङी प्रनःतोक्‌हाङः ङीखेइ आसीक् बयःनाङःसु अरुइ बयःओ लीह्‌सीःओ ङी गोरःनाङःसु।

१ तीमोथी 1:13

ओउःतलेः ख्रीस्इपाय् ओउःकोः काम् जाङ्‌ह्‌साकायः बयःताङःतो ङ्‌हापाय् ङाइ ओउःकायःमा अह्र्सीःओ योती आन रेव्‌तो तोआलाङः ओउःकोः मान्‍तालम्‌कायःमा ङाइ आन लीह्‌सीःओ बयःआलाङःसु। बयःसापाय् बयःआलाङःसु ओउः बेलाहाङः ङाइ चीःमामाःत ङ्‌हाम्‌मामाःत जाङ्‌ह्आलाङः त झ्‍यान्‍ते परमेस्‍वर्‌इ योनःतीलेः योआताङः।

१ पत्रुस् 3:9

अरुइ नीङ्‌कायः पेमालो हायःतेःनै प्रनःतेःनै त खेःया ओउःइ पेमालो हायःओमा प्रनःओमा पाय्‍क्‌तेःचानी। पेमालो द्यानःती पाय्‍क्‌माझ्‍याङ्‌कोः ओउः मान्‍ताकायः पेओ आसीक् बयःनु दोह् हायःती दाय्‍ह्‌सा नीङ्‌कायः परमेस्‍वर्‌इ पेओ आसीक् बयःसाकायः गोत्‌तेःआकाय्।