Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




लुका 23:33 - चेपाङ

33 ओउःमयः सबै आल्‌ती यात्‌ज्‍योः पुह्‌रुमःराङ् त तोओ बुम्‌ताङ् येसुकायः दाक्आथै। ओहाङः दाक्आक्‌तीको यात्‌ज्‍योः यास्ओ सीङः पोत्‌ती अरुकोः सीङः बान्‍ह्अग घ्‍यालःती क्‍ल्‍याय्‌ती गम्आक्‌तीको ओउः क्‍ल्‍याय्ओ सीङःहाङः येसुकायः दोम्‌क्रुत्‌हाङः खील्इ थाक्‌ती योकोःती गम्आथै। फेरी ओउः नीस्‌चाक् कुःर्‍यव् मान्‍तानीस्‌कायःमा अरु क्‍ल्‍याय्ओ सीङःहाङःमा येसुकोः ङोय्‌सैमा यात्‌चाक् ओउःकोः वेःसैमा यात्‌चाक् योकोःती गम्आकानी।

အခန်းကိုကြည့်ပါ။ ကော်ပီ




लुका 23:33
19 ပူးပေါင်းရင်းမြစ်များ  

ओउःकायः यहुदी खेःमालो मान्‍तालम्‌कःताङ् सात्‌साकायः दाक्‌नानी। ओउःमयःकःताङ् दाक्आक्‌तीको ओउःमयःइ रेव्‌तो तोती लाइ स्राप्आक्‌तीको ओउःकायः क्‍ल्‍याय्ओ सीङःहाङः खील्इ योकोःताक्‌ती सात्‌नानी। सात्‌सापाय् सात्‌नीतो सुम् दीन् पुत्आक्‌तीको ओउःपाय् उह्‌ती च्‍योक्आनाः” त दाय्‍ह्‌ती येसुइ लयःकायः स्‍याव्‌सा खेःओ कुरा छ्यान्‍ह्आथास।


‘लौ ओउः मान्‍ताकोः चोः त तोओकायः पेमालो मान्‍तालम्‌कःताङ् दाक्‌ती ल्‍हासा खेःतो। ओउःमयःकःताङ् दाक्‌ती ल्‍हाआक्‌तीको ओउःकायः क्‍ल्‍याय्ओ सीङःहाङः योकोःती सात्‌सा खेःतो। सात्‌नम् दीन्‌कोः चीत्‌सैलोहाङः ओउःपाय् उह्‌ती सेलः स्‍याव्‌ती च्‍योक्‌लेःनाः’ त दाय्‍ह्‌ती येसुइ तोतेःआकाय् माः र। इत नीङ्इ गीलतेःनानी” त दाय्‍ह्‌ती तोआथास।


ओउःमयःखेइ येसुकायः क्‍ल्‍याय्ओ सीङःहाङः सात्‌सा बोङःआकानी येसुकोः ङ्‌हा तोओ कुरालो लेखालेः।


मान्‍ता याक्‌गार्‌सीःमालोहाङः मोसाइ उय्‍ह्‌ले सीङःहाङः रु गम्‌ती योकोःआकान् मान्‍ता स्‍याक्‌ताक्‌सा थेङालेः। ओउःलो लेखालेः ङाकायःमा च्‍युन्‌ती योकोःसा खेःतो।


परमेस्‍वर्‌कोः आखरःहाङः गतलो लेखओ खेःतो ओउःतलेः येसुकायः जाङ्‌ह्‌ती खाय्आक्‌तीको ओउः कुरा सबै द्योक्आक्‌तीको येसुकायः ओउः सात्ओ सीङःहाङःसै कामःताङ् क्‍लाःती तेस्‌हाङः गम्आकानी।


ओहाङःसैको ओउः येसुकायः नीङ्इ अरु परमेस्‍वर्‌कायः झाह्‌मालो मान्‍तालम्‌कःताङ् दाक्‌ती ओउःकायः क्‍ल्‍याय्ओ सीङःहाङः सात्‌तेःताक्‌तेःआकानी बा। इतलेः नीङ्इ हायःतेःनीतो दोङ्‌सीलेः इ येसुकायः सात्‌सा खेःओ कुरा परमेस्‍वर्‌इ ङ्‌हासै चीःतीमा रय्‍ह्‌ती गम्आकान्।


नीङ्‌लम्‌खेइ येसुकायः क्‍ल्‍याय्ओ सीङःहाङः योकोःती सात्‌ताक्‌तेःनीतो ङीकोः लयःकोः आय्‌कानः तोकानःइ झाह्ओ परमेस्‍वर्‌खेइलेः येसुकायः उह्‌ती च्‍योक्‌ताक्आथै।


ख्रीस्इपाय् ङीकोः ऐन्‌सै दोःओ प्रनःबाङ् लयःलेः ल्‍हाङःती त्‍याक्‌ती झ्‍यान्‍ते ङीकायः ओउः प्रनःबाङ् क्‍युम्‍ह्‌ताक्आतय्‍ही गत हायःती दाय्‍ह्‌सा “सुसुखेकायः सीङःहाङः योकोःती सात्ओ खेःतो ओउःइपाय् प्रनःबाङ् लात्‌नौ” त दाय्‍ह्‌ती आखरःहाङःमा लेखती मुनाः।


येसु ख्रीस्इ ङीकोः रेव्‌तो हायःओ पेङ्‌कलःती वाय्‌साकायः क्‍ल्‍याय्ओ सीङःहाङः लयःकोः आङ् बयःती ङीकायः ल्‍हाङःती सीआ। ओहाङःसैको ङीपाय् रेव्‌तो हायःओ फेती द्याह् पेतो हायःती वाह्‌सा खाय्‌नाःतय्‍ह्‌नी ओउःकोः आङ् बयःओलेः ङीकायः स्‍याक्‌ताक्आतय्‍ही।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ