लुका 22:57 - चेपाङ

⁵⁷ इत सायःती पत्रुस् रैती “खेःल हौद्याङ् ओउःकायः ङाइ जुगाङ्‌लेः तय्‍ह्‌ङल बा” त दाय्‍ह्‌ती माःतीलेः त्‍याङ्आ।

लुका 22:57 ပူးပေါင်းရင်းမြစ်များ

मत्ती 10:33

सुसुखेइ मान्‍तालम्‌कःताङ् ‘लौ ङा ख्रीस्‌कोः खेःङल’ त दाय्‍ह्‌ती तोचौ ओउःकायःलेः ‘लौ इपाय् ङाकोः मान्‍ता खेःबाय्‌ल’ त दाय्‍ह्‌ती ङाकोः परमेस्‍वर्‌ आपाकायः तोमानाङः।

मत्ती 26:70

“खेःल बा नाङ् दाय्‍ह्ओ कुरापाय् ङाइ दोह्‌मा चीःबाय्‌ङल” त दाय्‍ह्‌ती माःती सबै ओउःकुस् मुओलम्‌कोः मीक्‌हाङः त्‍याङ्‌लेःआ।

लुका 12:9

सुसुखेइ मान्‍तालम्‌कःताङ् ‘ङापाय् ख्रीस्‌कोः खेःङल’ त दाय्‍ह्‌ती सबैकायः तोचानी ओउःकायःलेः ‘लौ इपाय् ङाकोः मान्‍ता खेःबाय्‌ल’ त दाय्‍ह्‌ती परमेस्‍वर्‌कोः ल्‍होक्ओमयःकायः तोलेःनाङः बा।

लुका 22:56

ओहाङःसैको म्‍हेः गारःती मुतोक्‌हाङः पत्रुस्‌कायःपाय् म्‍हेःइ थोङ्‌ती झ्‍यान्‍ते यात्‌चाक् मोमःचोःइ ओउःकायः च्‍यवःती त्‍यास्‌ती योती “लौ इ मान्‍तामा येसुकुस् वाह्ओ खेःतो रैस” त दाय्‍ह्‌ती ओउः मोमःचोः दाय्‍ह्आ।

लुका 22:58

ओहाङःसैको देङेलोहाङः यात्‌चाक् अरु वाङ्‌ती पत्रुस्‌कायः च्‍यवःती तय्‍ह्आथै “लौ नाङ्‌मा यात्‌चाक् येसुकुस् वाह्ओमयः लेःतेःआः बा” त दाय्‍ह्‌ती ओउः मान्‍ता दाय्‍ह्आ। “खेःल बा ङापाय् ओउःमयःकोः खेःबाय्‌ङल” त दाय्‍ह्‌ती पत्रुस्इ फेरीलेः माःती त्‍याङ्आ।

युहना 18:25

ओहाङःसैको ओउःत नोःकाय्‌तोक्‌हाङः पत्रुस्‌पाय् आङ्‌गन्‌हाङः म्‍हेः गारःती चीङ्‌ती मुओ खेःतो ओउःकुस् मुओलम्इ ओउःकायः योती “लौ नाङ्‌पाय् यात्‌चाक् ओउः पानःओ मान्‍ताकुस् वाह्ओमयः खेःलेःतेःनाः माःर” त दाय्‍ह्‌ती व्‍हत्‌थातो “खेःङल है” त पत्रुस् दाय्‍ह्‌ती त्‍याङ्आ।

युहना 18:27

“अहः मुङल बा” त दाय्‍ह्‌ती पत्रुस् फेरीलेः माःती त्‍याङ्आ। ओउःत माःती त्‍याङ्‌माकादे वाः गोःमाकादे।

खबरदुत 3:19

ओउःत झ्‍यान्‍ते ल्‍हुङ् द्यान्‍ह्‌ती परमेस्‍वर्‌कः ग्‍यान दा ओहाङःसै नीङ्‌कोः रेव्‌तो हायःझ्‍याङ्‌पाय् क्‍युम्‍ह्‌ती वाय्‌नाः। रेव्ओ काम् क्‍युम्‍ह्‌ती वाय्आक्‌तीको नीङ्‌कायः पेओ ल्‍हुङ् धोमाय्ओ बेला स्‍याव्‌नाः।

१ युहना 1:9

खेःल “ङाइ इत पेमालो हायःआलाङः” त दाय्‍ह्‌ती घोती तोनाःतय्‍ह्‌नी त खेःया दोङ्‌सीलेः परमेस्‍वर्‌इ लयः तोओलो लेखा पेतो हायःती ङीकोः रेव्ओ काम् क्‍युम्‍ह्‌ती ङीकः परमेस्‍वर्‌ ल्‍हुङ् स्‍याङ्‌नाः ओहाङःसैको जुगाङ् छय्‍ङ्‌तो स्‍याव्‌नाःतय्‍ही।