लुका 22:56 - चेपाङ

⁵⁶ ओहाङःसैको म्‍हेः गारःती मुतोक्‌हाङः पत्रुस्‌कायःपाय् म्‍हेःइ थोङ्‌ती झ्‍यान्‍ते यात्‌चाक् मोमःचोःइ ओउःकायः च्‍यवःती त्‍यास्‌ती योती “लौ इ मान्‍तामा येसुकुस् वाह्ओ खेःतो रैस” त दाय्‍ह्‌ती ओउः मोमःचोः दाय्‍ह्आ।

लुका 22:56 ပူးပေါင်းရင်းမြစ်များ

मत्ती 26:69

ओहाङःसैको एत स्‍याव्‌तोक्‌हाङः पत्रुस्‌पाय् दर्‌बाल् बाहीरहाङः च्‍युङःती मुधाङ्ओ खेःतो। ओहाङः मुतोक्‌हाङः यात्‌चाक् मोमःचोः नोकरी वाङ्‌ती “लौ नाङ्‌मा गालीलसै वाङ्ओ येसुकुस् वाह्ओतेःआः” त दाय्‍ह्‌ती तोथातो

मर्‌कस् 14:17

एत चन्‌तायःती खाय्आक्‌तीको ओउःनम्‌कोः राम्‍हसैलोहाङः येसुमा ओउःकोः लयः छ्युङ्‌ह्ओ बारजनमा ओउः कोथाताङ् भोस् जेःलाङ् दाह्‌ती वाङ्आकाय्।

मर्‌कस् 14:6

ओउःमयः जान्‌ती तोओ येसुइ चीःती “खेःल ओउःकायः ताःताः जान्‌नुलु। जान्‌सा परल बा। ओउःइ आन पेतो जाङ्‌ह्‌जेःबत्‌ताङः।

मर्‌कस् 8:25

ओउःत झ्‍यान्‍ते येसुइ ओउःकोः मीक्‌पाय् फेरीले दीन्‍ह्आथै। दीन्‍ह्आक्‌तीको ओउः मान्‍ताकोः मीक् पेतो स्‍याक्‌ती लेङःचेर्‌ त च्‍यवःआकान्।

लुका 22:55

ओहाङः दाह्‌ती पत्रुस्‌पाय् दर्‌बाल्‌कोः आङ्‌गन्‌हाङः पोक्‌ती वाङ्आक्‌तीको ओहाङःकोः नोकरीलम्इ म्‍हेः मुत्‌ती गारःती मुओ खेःतो। पत्रुस्‌मा ओउःमयःकुस् म्‍हेः गारःलाङ् च्‍युङःआ।

लुका 22:57

इत सायःती पत्रुस् रैती “खेःल हौद्याङ् ओउःकायः ङाइ जुगाङ्‌लेः तय्‍ह्‌ङल बा” त दाय्‍ह्‌ती माःतीलेः त्‍याङ्आ।

युहना 18:17

ओहाङःसैको पत्रुस् पोक्‌ती वाङ्‌तोक्‌हाङः “लौ ओउः पानःती वानःओ मान्‍ताकुस् नाङ्‌मा वाह्ओ खेःतेःनाः माःर” त दाय्‍ह्‌ती ओउः मोमःचोःइ पत्रुस्‌कायः व्‍हत्‌थातो “अहः खेःङल” त दाय्‍ह्‌ती पत्रुस् त्‍याङ्आ।