लुका 22:44 - चेपाङ

⁴⁴ येसुपाय् ल्‍हुङ्‌हाङः आन लीह्‌ती झ्‍यान्‍ते परमेस्‍वर्‌कः न्‍हाङ्‌तोलेः तेती तोआकान् तोतोक्‌हाङः ओउःकोः जेल्‍ह्‌सै वयःलो लेखा ल्‍हप्‌रतीः थाती साःताङ् त्‍योपोती ग्‍लेःआ।

लुका 22:44 ပူးပေါင်းရင်းမြစ်များ

लुका 22:45

ओहाङःसैको परमेस्‍वर्‌कायः तोती दप्आक्‌तीको उया येसु चीङ्‌ती लयःकुस् वाह्ओमयःकःताङ् द्यान्‍ह्‌ती दाह्‌ती ओउःमयः लीह्ओइ ह्र्याम्‌ती झ्‍यान्‍ते एनःतीलेः मुओ च्‍यवःआकान्।

युहना 12:27

“लौ ङापाय् द्याह् ल्‍हुङ् र्‍याङःआलाङः। द्याह् दोह्‌त तेती तोचाङः र। इ ङाइ लीह्‌सीःओ च्‍यवःसा बेलाहाङः ‘वाङ्‌ताक्‌लाम् आपाय’ त तेती तोचाङःया। खेःल इत लीह्‌सीःओ गोरःलाङ्‌पाय् वाङ्आलाङः बा।

रोमी 8:32

ओउःपाय् लयःकोः चोःकायः लयःकुस् ओम्‌पायःती गम्‌माःत ङी सबैकायः दल्‌ताक्‌साकायः ल्‍हाआथै। ओहाङःसैको लयःकोः चोःपाय् ल्‍हाआतय्‍ही त झ्‍यान्‍ते ओउःइ अरु सबै न्‍हाङ्‌तोलेः बयःनाःतय्‍ही माः र।

हेब्रैनी 5:7

ल्‍हाव्‍ह्‌दैबाङ्‌हाङः मान्‍ता मुतोक्‌हाङः येसुइ आन र्‍याःतीमा गोःतीमा ओउःकायः सीओसै दल्‌ताक्‌सा खाय्ओ परमेस्‍वर्‌कायः तेती तोआकान्। येसुइपाय् मीओमा ग्‍याओ ल्‍हुङ्इमा तेआ त खेःओ ओउःकोः कुरा परमेस्‍वर्‌इ सायःआकान्।