लुका 22:43 - चेपाङ43 इत तोआक्तीको लाङ्कासै यात्चाक् परमेस्वर्कोः ल्होक्ओमयः थाती येसुकःताङ् वाङ्ती ल्युङ्ह्साकायः ग्रमःत स्याव्ताक्आथै। အခန်းကိုကြည့်ပါ။ |
लुका 22:43
16 ပူးပေါင်းရင်းမြစ်များ
ओहाङः गम्आक्तीको “लौ नाङ् दोङ्सीलेः परमेस्वर्कोः चोःलेःतेः खेःतेःनाः त खेःया इसै क्लाःती ल्होक्स। इसै ग्लेःती नाङ् जीक्तेःल दोह् हायःती दाय्ह्सा परमेस्वर्कोः आखरःहाङः ‘ “लौ इकायः पेतो ओम्पायःती योनु दा” त दाय्ह्ती परमेस्वर्इ लयःकोः ल्होक्ओमयःकायः गानाक्ती तोआकान्’ त दाय्ह्तीमा मुनाः फेरीलेः ‘ “लौ इकायःपाय् तोन्ती बाङ्हाङः दोम् क्रुत्मा दोह्मा थुङ्ती जीक्सा ताक्लाम्” त दाय्ह्ती ओउः ल्होक्ओमयःइ नाङ्कायः ओम्पायःतीलेः लात्तेःनाः’ त दाय्ह्तीमा परमेस्वर्कोः आखरःहाङः लेखती मुनाः” त दाय्ह्ती सैतान्इ तोमाआथै।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ओउःत झ्यान्ते येसुपाय् लयःकोः हौलम्लो लेखालेः यातैज्याङ्लेः घार्तोलेः स्याव्सा खेःओ खेःतो। ओहाङःसैको परमेस्वर्कायः ताङ्ह्ओ पुरोहीत्कोः काम् पेतो जाङ्ह्ती येसुइ मान्तालम्कायः योनःती योती “लौ इमयःकोः रेव्ओ काम् जाङ्ह्झ्याङ्कोः क्युम्ह्ती वाय्पाःथास” त परमेस्वर्कः तेती तोसा खाय्नौ।
ကြော်ငြာတွေ