लुका 22:36 - चेपाङ

³⁶ “लौ द्याह्‌पाय् नीङ्‌कोः थैलो झोला मुनाः त खेःया ओउःपाय् नीङ्‌कुस् लात्‌ती आलःनु। माः रैस नीङ्‌कोः तरवाल् नाःल त खेःया नीङ्‌कोः क्रमःनाय् वीनःती तरवाल् लेःनु दा।

लुका 22:36 ပူးပေါင်းရင်းမြစ်များ

मत्ती 10:10

वाह्‌तोक्‌हाङः थैलोमा नीस् क्रमःनाय्‌मा लात्‌ती आलःलाम्। जुत्ता दङ्‌गमा लात्‌तेःचानी दोह् हायःती दाय्‍ह्‌सा ओउः काम् जाङ्‌ह्ओ मान्‍ताकायः दोह् दोह् राह्‌चाः ओउःलेः ओउःकोः जाङ्‌ह्‌झ्‍याङ्‌कोः दोःओ खेःतो।

लुका 22:35

ओहाङःसैको ओउः बार छ्युङ्‌ह्ओमयःकायः फेरीलेः तोती “नीङ्‌कायः ङाइ अनम्‍ह् ल्‍होक्ओ बेलाहाङः झोलामा पैसा लात्‌सा थैलोमा जुत्तामा ‘लात्‌लाम्’ त ङाइ तोनेःआलाङ्‌स ओउः बेलाहाङः नीङ् दोह्‌मा राह्‌तेःआकाय्‌या राह्‌तेःइलीया” त दाय्‍ह्‌ती येसुइ व्‍हत्आथास “दोह्‌मा राह्‌ङीली” त दाय्‍ह्‌ती ओउःमयः त्‍याङ्आकाय्।

लुका 22:37

दोह् हायःती दाय्‍ह्‌सा ओउः उय्‍ह्‌लेकोः आखरःहाङः लेखओ ङाकायः तोओ कुरापाय् द्याह् ताप्‌तो स्‍याव्‌सा खेःनाः ‘ओउः मान्‍ताकायःपाय् पेमालो मान्‍तालम्‌लो लेखालेः न्‍युम्‍ह्‌ताक्‌नाःथै’ त दाय्‍ह्‌ती दाय्‍ह्ओ ङाकायः लेखती मुलेःनाः। ओउः कुरापाय् द्याह् ताप्‌तोलेः स्‍याव्‌नाः बा” त दाय्‍ह्‌ती येसु तोआथास।

लुका 22:38

ओउःत तोआक्‌तीको “लौ प्रभु योउ दा ङीकुस् नीस्‌ज्‍योः तरवाल् मुलेःनाः” त दाय्‍ह्‌ती ओउःकुस् मुओलम्इ छ्यानःती तोआकानी। “लौ छ्यो इच्‍युक्‌पाय् स्‍याव्‌लेःनाः” त दाय्‍ह्‌ती येसु दाय्‍ह्आ।

युहना 15:20

ङाइ ङ्‌हा तोओलेः गीलतेःनानी। मालीक्‌सै नोकरी ताङ्‌ह्ओ खेःल ओउःत झ्‍यान्‍ते ङाकायःपाय् मान्‍तालम्इ लीह्‌सीःओ बयःनाःताङः त खेःया नीङ्‌कायःमा ओउःतलेः लीह्‌सीःओ बयःतेःनै। फेरी ङाकोः तोओ कुरा ओउःमयः ग्‍यानै त खेःया नीङ्‌कोः कुराकः ग्‍यानै।

युहना 16:33

नीङ् ल्‍हुङ् र्‍याङःमाःतोलेः धोमाय्‌तो मुसाकायः इ कुरा तोनेःनाङ्‌स। ल्‍हाव्‍ह्‌दैबाङ्‌हाङः मुतोक्‌हाङः आन लीह्‌सीःओ च्‍यवःतेःनानी। ओउःततेः च्‍यवःतेःनानी ग्रमःत मुन दा ङाइ ल्‍हाव्‍ह्‌दैबाङ्‌कोः मुओलम्‌कायः क्‍लीमःआलाङः” त दाय्‍ह्‌ती येसु दाय्‍ह्आ।

१ थेसलोनिकि 3:4

दोह् हायःती दाय्‍ह्‌सा ङी ङ्‌हापाय् नीङ्‌कुस् मुतोक्‌हाङः “लौ लोने ङीकायः लीह्‌सीःओ बयःनाःताङी” त ङ्‌हासै दाय्‍ह्‌ती तोनेःनाङ्‌स ओउः तोओपाय् दोङ्‌सीलेः “ताप्‌तोलेः स्‍याव्ओ” त चीःमातेःनानी।

१ पत्रुस् 4:1

प्रभु ख्रीस्‌पाय् एतलेः लयःकोः आङ्‌हाङः लीह्‌सीःओ गोरःआकान् त खेःया नीङ्इमा ओउःलो लेखालेः क्रोङ्ओ ल्‍हुङ्इ लीह्‌सीःओ गोरःसा खेःतो दोह् हायःती दाय्‍ह्‌सा लीह्‌सीःओ गोरःओ मान्‍ताइपाय् रेव्ओ काम् जाङ्‌ह्‌ती वाह्ओकायः फेनौ