लुका 22:29 - चेपाङ

²⁹ ओउःत झ्‍यान्‍ते गतलो ङाकोः परमेस्‍वर्‌ आपाइ ओउःकोः राजीहाङः ङाकायः हुकुम् बयःसा ग्‍वम्‌लेः बयःलेःआताङः ओउःतलेः ङाकोः राजीहाङः ङाइ नीङ्‌कायः राजालो स्‍याव्‌ताक्‌नेःनाङ्‌स।

लुका 22:29 ပူးပေါင်းရင်းမြစ်များ

मत्ती 24:47

ओउःकः म्रोती झ्‍यान्‍ते दोङ्‌सी दाय्‍ह्‌भनाङ् ओउः नोकरीकायः मालीक्इ लयःकोः कीम्‌कोः काम्‌लम् माल्‌ताल्‌लम् योसाकायःमा जुगाङ् ल्‍हीन्‍ह्‌तीलेः बयःनाःथै।

मत्ती 25:21

पाय्‍क्आक्‌तीको ‘लौ आन पेतोतेः हायःजेःतेःआकान् रैस। इ मीओ काम्‌पाय् नाङ्इ पेतोलेः हायःतेःआकान् त झ्‍यान्‍ते ङाइ अरु ताङ्‌ह्ओ काम् बयःनेःनाङ् लौ ङाकुस् चोङाय्‌ती मुअ’ त दाय्‍ह्‌ती ओउःकोः मालीक् दाय्‍ह्आ।

मत्ती 25:34

ओउः ङोय्‌दोहाङः मुओलम्‌कायः ‘लौ नीङ्‌कः ङाकोः परमेस्‍वर्‌ आपा आन म्रोलेःनाः। ओउःकोः राजी याक्‌ती मुलाङ् वाङ्‌न दा। ओउः राजीपाय् ल्‍हाव्‍ह्‌दैबाङ्‌कोः जाङ्‌ह्‌तोक्‌हाङःसै नीङ्‌कायः गम्ओ लेःआः

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

मत्ती 5:10

सुसु मान्‍ताकायः परमेस्‍वर्‌कोः काम् जाङ्‌ह्‌सा थेङा अरुइ लीह्‌सीःओ बयःनाःथास ओउः लीह्‌सीःओ गोरःओलम्‌मा लोनेः चोङाय्‌तोलेः स्‍याक्‌नै ओउःमयःपाय् परमेस्‍वर्‌कोः राजीहाङः याक्‌सा दोःनै।

मत्ती 5:3

ओउःइ स्‍यान्‌तोक्‌हाङः “लौ ल्‍हुङ्‌तुक् घ्‍युम्ओ मान्‍तालम् लोनेः आन चोङाय्‌तोलेः स्‍याव्‌नै ओउःमयः परमेस्‍वर्‌कोः राजी दोःनै।

लुका 12:32

लौ ङाइ स्‍यालःओ मान्‍तालम्‌य ओउःकोः राजीकोः पेओ थोक्‌लम्‌पाय् परमेस्‍वर्‌ आपाइ बयःसा आन झाक्‌लेःनाः।

लुका 19:17

‘नाङ्इ पेतोतेः हायःतेःआकान् रैस। लौ नाङ्इ इ मीओ काम् पेतो जाङ्‌ह्‌तेःआकान् त झ्‍यान्‍ते ङाइ नाङ्‌कायः दस् सहर्‌कोः मन्‍तरी काम् बयःनेःनाङ्’ त दाय्‍ह्‌ती ओउः राजाइ तोआकान्।

१ कोरीन्‍थी 9:25

सुसुखे जीतसा बोङःनानी ओउःपाय् गलमा लीङ्‌हाय्‌मामाःत यातैज्‍योः ल्‍हुङ् स्‍याव्‌ती वाह्‌नै। एतलेः वाह्‌लेःनै ओउः तन्‌ती खेलओ मान्‍तालम्‌खे झ्‍योम्‍ह्‌ती वाय्‌सा रोकोः माला ह दोःनै ङीखे गलमा द्योक्‌मालो जीङः दोःनाःतय्‍ही।

२ कोरीन्‍थी 1:7

नीङ्इपाय् ङीकुस्इ ब्राङ्‌तीलेः लीह्‌सीःओ गोरःनाःतय्‍ह्‌नी ओउःत झ्‍यान्‍ते ङीकुस् ब्राङ्‌तीलेः लव्‍ह्ओमा दोःनाःतय्‍ही एत ङीइ ल्‍हुङ्‌हाङः पेतोलेः ताःनाङःसु।

२ तीमोथी 2:12

ङीइ लीह्‌सीःओ गोरःनाःतय्‍ही त खेःया ओउःकुस्‌लेः हुकुम् बयःसा मान्‍ता स्‍याव्‌नाःतय्‍ही। ओउःकायः ङी “ओउःकोः मान्‍तापाय् खेःतय्‍हीली” त दाय्‍ह्‌ती क्‍लेत्‌ती तोनाःतय्‍ही त खेःया ओउःइलेः ङीकायःमा क्‍लेत्‌नाःतय्‍ही।

याकुब् 2:5

लौ ङाइ राप्ओ पुःचोङ् हौचोङ्‌य ओउः ल्‍हाव्‍ह्‌दैबाङ्‌कोः मीओ नाःतो नाःमालोलम्‌कायः परमेस्‍वर्‌इ आन ङ्‌हाम्‌साकायः छ्युङ्‌ह्‌माआथास। लयःकायः राप्ओ मान्‍तालम्‌कायः तोती गम्ओ राजीमा ह्र्यात्‌लम्‌कायः बयःमाआथास।

१ पत्रुस् 5:4

ओहाङःसैको सबैकायः स्‍यालःती स्‍यास्‌ती गम्ओ येसु ख्रीस्‌कोः द्यान्‍ह्‌ती वाङ्‌सा दीन्‌हाङः नीङ्‌पाय् ओउः आन पेओमा ताङ्‌ह्ओमा गलमा मीह्‌मालो काम् जाङ्‌ह्‌झ्‍याङ्‌कोः दोःतेःनै।

प्रकाश 21:14

ओहाङःसैको ओउः बार्‌लम्‌कोःपाय् बारगोता तोस्‌बाङ् खेःतो। बाङ् बाङ्‌हाङः यातैज्‍योः ओउः भेदाकोः चोःकोः बारचाक् छ्युङ्‌ह्‌ती ल्‍होक्ओमयःकोः मय्‍ङ् लेखओ खेःतो।