लुका 22:16 - चेपाङ

¹⁶ दोङ्‌सी दाय्‍ह्‌भनाङ् इ परमेस्‍वर्‌कोः राजीकोः कुरा पेतो स्‍याव्‌धाङ्‌माखाहाङः इ भोस् ङाइ फेरीलेः जेःङल” त दाय्‍ह्‌ती येसु दाय्‍ह्आ।

लुका 22:16 ပူးပေါင်းရင်းမြစ်များ

लुका 12:37

सुसु मान्‍तालम् प्रभु वाङ्‌तोक्‌हाङःपाय् चीङ्‌ती र्‍ययःती मुलेःनै ओउःमयःलेः चोङाय्‌तो स्‍याव्‌लेःनै। दोङ्‌सी दाय्‍ह्‌भनाङ् ओउः मान्‍तालम्‌कायः ओउः प्रभुइ लयःलेः चीङ्‌ती जेःगा जेःसाकायः दोल्‌कावःआथास।

लुका 14:15

इत येसुइ तोआथास यात्‌चाक् ओउःकुस् जेःती मुओ मान्‍तापाय् ओउःत तोओ सायःआक्‌तीको “लौ परमेस्‍वर्‌कोः राजीहाङः भोस् जेःती मुओलम् आन चोङाय्‌तोलेः मुजेःनै” त दाय्‍ह्‌ती येसुकायः तोथातो

लुका 22:15

ओउःमयः भोस् जेःसाकायः च्‍युङःती मुतोक्‌हाङः “लौ ङा लीह्‌सीःओ च्‍यवःसा ङ्‌हासैपाय् नीङ्‌कुस् इ भोस् जेःसा आन झाक्‌नाङः।

लुका 22:18

दोङ्‌सी दाय्‍ह्‌भनाङ् द्याह्‌हाङःसै परमेस्‍वर्‌कोः राजी दाह्‌माच्‍युक्‌हाङः धाक्‌सायःकोः तीःपाय् ङाइ तुङ्‌चाङः जुगु” त दाय्‍ह्‌ती येसुइ तोआथास।

लुका 22:30

ओहाङःसैको नीङ्‌पाय् ओहाङः ङाकुस् जेःती तुङ्‌ती मुसालेः दोःतेःनै। राजाकोः थाव्‌लम्‌हाङः च्‍युङःती नीङ्इ इस्राएल्‌कोः बार थर्‌लम्‌कायः नीङ्इ राजालो लेखालेः ओउःमयःकोः कुरा सायःती तात्‌सामा दोःतेःनै” त दाय्‍ह्‌ती येसुइ ओउःकुस् जेःती मुओलम्‌कायः तोआथास।

युहना 6:27

लौ इ ल्‍हाव्‍ह्‌दैबाङ्‌कोः जेःगालम् सय्‍ङ्‌ती ल्‍ह्योह्‌ती वाय्‌नाः ओउः जेःगाखेकायः केलःती काम् जाङ्‌ह्‌माःत ओउः गलमा द्योक्‌मालो रौ जीङः दोःताक्‌सा जेःगाखेकायः काम् जाङ्‌ह्‌नु। इ जेःगापाय् ङा मान्‍ताकोः चोः त तोओइ बयःनेःनाङ्‌स। एत हायःसाकायः ङाकोः परमेस्‍वर्‌ आपाइ ङाकायः दोक्‌तीलेः गम्आताङः बा” त दाय्‍ह्‌ती येसुइ तोआकान्।

खबरदुत 10:41

सबै मान्‍तालम्‌कायः छ्यानःओ खेःल सुसुकायः परमेस्‍वर्‌इ ङ्‌हा छ्युङ्‌ह्ओ खेःतो ओउःकायःलेः ह छ्यानःआताङी। फेरी ओउः येसु च्‍योक्‌ती छ्यानःओ बेलाहाङःपाय् ङीइ ओउःकुस् जेःगा जेःआलाङःसु तुङ्‌गा तुङ्‌माआलाङःसु।

प्रकाश 19:9

ओहाङःसैको ओउः ल्‍होक्ओमयः ङाकायः तोती “लौ ‘ओउः भेदाकोः चोःकोः बीहा भोस्‌हाङः गोत्ओलम्‌पाय् चोङाय्‌तोलेः स्‍याव्‌नै’ त दाय्‍ह्ओ लेखउ दा” त दाय्‍ह्‌ती ओउःइ ङाकायः तोआताङः “माः है ओउःपाय् परमेस्‍वर्‌इ नोःओ दोङ् कुरा लेःआः बा” तमा ओउः ल्‍होक्ओमयःइ दाय्‍ह्‌ती तोआताङः।