ओहाङःसै अरु मान्तालम्खेइमा परमेस्वर्कोः कुरा सायःती ओउःकोः काम् जाङ्ह्आक्नीतो लोने लयः झाक्ओ काम्कायः रुःओ ल्हुङ् वाङ्नाः पैसा क्युसा बोङःओ ल्हुङ्मा लीङ्हायःओ ल्हुङ्मा वाङ्नाः त खेःयाकायः परमेस्वर्कोः काम् जाङ्ह्सा लोने ग्याइली। इलो खेःओ मान्तालम्खे चुःराङ्हाङः दीह्ओ यार्ती वाय्ओ सायःसा खाय्मालो बीयालो लेखा मुनै।
लुका 21:34 - चेपाङ34 लौ पेतो धय्ती मुन दा। नीङ् धय्ती ल्युङ्ह्ती मुमाःत लुङ्ह्जेःती हान् तुङ्ती लयःकोः काम्लम्कायः ल्हुङ् रुःती मुतेःनै त खेःया नीङ्इ जुगाङ् चीःमालो दीन्हाङः ओउः मान्ताकोः चोःपाय् याव्छीत्हाङः ग्रीनःरुसीत दाह्ती वाङ्लेःनाः। အခန်းကိုကြည့်ပါ။ |
लुका 21:34
37 ပူးပေါင်းရင်းမြစ်များ
लौ नीङ् लःलयःकायः धय्ती मुन लोनेः अरुइ ताङ्ह्ओ मान्तालम्कःहाङः लात्ती दाक्तेःनै ‘लौ इपाय् ख्रीस्कोः मान्ता लेःआः’ त दाय्ह्ती नीङ्कायः गाल्तुम्ती नोःनाः। फेरी थनःओ कीम्हाङः नीङ्कायः घान्तेःनै। नीङ्कायः राजाकःताङ्मा दाक्ती वानःतेःनै ओउःमयःकायःमा ङाकोः पेओ कुरा नीङ्इ छ्यानःती तोसा दोःतेःनै।
“नीङ्पाय् पेतो धय्ती मुजेःन दा ओहाङःसैको नीङ्कायः अरुलम्इ माःती होम्सा बोङःतेःनै त खेःया ओउःमयःइ नीङ्कायः ब्रःताक्सा खाय्नीली। लोनेः नाःतो मान्तालम् ‘लौ ओउः वाङ्सा खेःओ चाक्पाय् ङा लेःआः ङ’ त दाय्ह्ती माःती ङाकोः मय्ङ् पेह्ती वाङ्नै। अरुलम्इ ‘लौ ख्रीस्कोः द्यान्ह्ती वाङ्तोक् बेलाहाङः दाह्खेःआ’ तमा माःती तोनानी ओउःमयःकायः ङ्हाम्तेःचानी।
ओहाङःसैको अरु मान्तालम्खेइ परमेस्वर्कोः कुरा सायःती ओउःकोः काम् जाङ्ह्आक्नीतो लोने लयः झाक्ओ काम्कायः रुःओ ल्हुङ् वाङ्नाः पैसा क्युसा बोङःओ ल्हुङ् वाङ्नाः लीङ्हायःओ ल्हुङ् वाङ्नाः त खेःयाकायः परमेस्वर्कोः काम् जाङ्ह्सा लोने ग्याइली। इ मान्तालम्पाय् यार्ती वाय्ओ सायःसा खाय्मालो चुःकुस् दुङ्ओ बीयालो लेखा मुलेःनै।
प्रभुइ ल्युङ्ह्सापाय् ल्युङ्ह्लेःनौ ओउःकोः वाङ्सा खेःओ दीन्पाय् कुःसा बोङःओ मान्तालो लेखालेः वाङ्नाः। ओउः दीन् “गल वाङ्नाः” त अरुइ चीःआक्नीली। ओउः दीन्हाङःलेः फेल्बाङ्पाय् ताङ्ह्ओ मुक्ओ कुस्ब्रक्त म्हीत्ती वाय्लेःनाः। ओउःहाङः सबै थोक्लम्कायः म्हेःइ माक्नौ। ल्हाव्ह्दैबाङ्मा ओहाङः मुओ सबै थोक्लम् म्हीत्तोलेः वाय्तो स्याव्नाः।
ကြော်ငြာတွေ