लुका 21:16 - चेपाङ

¹⁶ ओउः बेलाहाङःमा नीङ्‌कोः लयःकोः मान्‍तालम्‌पाय् नीङ्‌कोः लयःकोः आमा आपालम्इमा पुःचोङ् हौचोङ्‌लम्इमा क्‍वालम्इमा नीङ्‌कायः गाल्‌तुम्‌ती नीङ्‌कोः दुस्‍मान्‌लम्‌कःताङ् ल्‍हालाङ् दाक्‌तेःनै बा। दाक्‌ती ल्‍हाआक्‌तीको नीङ्‌कायःपाय् सु ना सु सात्‌मातेःनै।

लुका 21:16 ပူးပေါင်းရင်းမြစ်များ

मत्ती 10:21

ओहाङःसैको लोनेः मान्‍ताइपाय् लयःकोः पुःचोङ्‌कायः लयःकोः चोःकायः सात्‌साकायः दाक्‌नानी चोःइपाय् लयःकोः आमा आपाकः अह्र्ती झ्‍यान्‍ते ओउःमयःकायः सात्‌सा बोङःनानी

मर्‌कस् 13:12

ओउः बेलाहाङःमा आपाचोङ्‌लम् पुःचोङ्‌लम् लःलयःमयःकायः सात्‌लाङ् दाक्‌नानी चोःलम्इमा लःलयःकोः आमा आपाकःताङ् चीङ्‌ती ओउःमयःकायः सात्‌साकायः दाक्‌नाःथास।

लुका 12:53

नीस् आपाचाःमा आमाचाःमा आय्‌चाःमा लयःमयःकुस् काय्‌काय्ओलेः स्‍याव्आनाः” त दाय्‍ह्‌ती येसुइ तोआथास।

लुका 21:15

पेतो व्‍हाय्‌तो नोःसा ग्‍वम्‌पाय् ङाइलेः नीङ्‌कायः बयःनेःनाङ्‌स बा ओहाङःसैको नीङ्‌कायः गाल्‌तुम्‌सा बोङःओलम्इ नीङ्इ तोओ कुरापाय् त्‍याङ्‌सा खाय्‌नीली।

लुका 21:17

नीङ्‌कायःपाय् ‘ख्रीस्‌त तोओकोः मान्‍ता लेःआः’ त दाय्‍ह्‌ती नाःतो अरुलम् नीङ्‌कः ल्‍हुङ् मल्‍ह्‌तो स्‍याव्‌नै।

खबरदुत 12:2

युहनाकोः पुः याकुब् त तोओकायः चुम्‌ती ओउःकायः हेरोद्इ च्‍युपेइ पाल्‌ती सात्‌ताक्आथै। ओउःत हायःआक्‌तीको याकुब्‌कायः “सात्आकानी” त चीःती यहुदी मान्‍तालम् म्रोओ खेःइतो।

खबरदुत 7:59

ओहाङःसैको बाङ् आप्‌तोक् बेलाहाङः “लौ प्रभु येसुय ङाकोः नामे रुआङ् लयःकःताङ् त्‍याक्‌ची दा” त दाय्‍ह्‌ती परमेस्‍वर्‌कायः स्‍तीफन्इ तोआकान्।

प्रकाश 12:11

ङीकोः पुःचोङ् हौचोङ्‌लम्इपाय् भेदाकोः चोःकोः वयःइमा ओउःकोः कुरा छ्यानःतीमा सैतान्‌कायः क्‍लीमःआकानी। ख्रीस्‌कोः कुरा छ्यानःसाकायः ‘लौ सीसामा ग्‍यालेःनाङी’ त दाय्‍ह्‌तीलेः नोःआकाय्।

प्रकाश 2:13

नाङ्‌पाय् गाःहाङःलो याक्‌तेःनाः ओउःलेः चीःलेःनाङः। सैतान्‌पाय् राजालो लेखा याक्ओ थाव्‌हाङःलेः नाङ्‌मा याक्‌तेःनाः एत ङाइ चीःलेःनेःनाङ्। ओहाङःलेः याक्‌तीमा मुतेःनाः बुरु ङाकायः ङ्‌हाम्‌तीमा मुलेःतेःनाः। ङाकोः कुरा पेतो छ्यानःओ अन्‍तीपास् त तोओकायः नाङ्‌कोः सैतान् मुओ सहर्‌हाङः सात्‌तोक्‌हाङः नाङ्इमा ङाकायः ङ्‌हाम्ओकायः फेतेःउलु।

प्रकाश 6:9

ओहाङःसैको ओउः भेदाकोः चोःइपाय् यातैज्‍योः अरु छाप् तेत्आकान् ओउःकुस् पास्‌गोता छाप् तेत्ओ खेःतो। ओउः छाप् तेत्आक्‌तीको ङाइ योती परमेस्‍वर्‌कोः नोःराय् थोल्‍ह्‌ती तोसाकायःमा पेतो छ्यानःओकायःमा सात्ओलम्‌कोः रुआङ्‌लम्‌लेः परमेस्‍वर्‌कायः ल्‍हासा बेदीकोः खात् ताल्‍गेसै च्‍यवःआलाङः।