13 ओउः बेलाहाङः ङाकोः पेओ कुरा नीङ्इ छ्यानःती तोसा दोःतेःनै।
ओउःत झ्यान्ते ओउः दीन्सै यहुदाइ येसुकायः लात्ती दाक्सा ओखन् बोङःआकान्।
लौ पुःचोङ् हौचोङ्य ङाकायः तेन्छ्याङ् इत स्याव्ओपाय् “जुगाङ् पेमालो” त नीङ्इ ताःतेःनानी यादो। खेःल ङा इत स्याव्आक्तीको परमेस्वर्कोः पेओ कुरा न्हाङ्तोलेः थोल्ह्ती तोओ लेःआः बा।
ओउःत हायःती नीङ्कोः बीरोत्कः रैमाःत ल्हुङ् क्रोङ्तोलेः मुन। ओहाङःसैको ओउः बीरोत्इ एत च्यवःती नीङ्कायःपाय् “लौ ओउःमयःखेकायः परमेस्वर्इ दल्ताक्नाःथास ङीखेपाय् वाय्तोलेः स्याव्नाःतय्ही” त दाय्ह्ती लयःकोः ल्हुङ्हाङः चीःनाःइसी।
नीङ् लीह्सीःओ गोरःओलम् मुतेःनै ओउःत खेःओ नीङ्पाय् परमेस्वर्कोः राजीहाङः मुसा स्याव्नाः। एतलेः “परमेस्वर्इ पेतो हायःनौ” त सबै मान्तालम्इ चीःसा खाय्नानी।
