लुका 20:17 - चेपाङ

¹⁷ येसुइ ओउःमयःकायः योती “खेःल इ कुरापाय् परमेस्‍वर्‌कोः आखरःहाङः लेखती मुलेःनाः माःर ‘कीम् जाङ्‌ह्ओलम्इ ङ्‌हा ताती वाय्ओ बाङ्‌पाय् लोनेः कीम् गाराकोः मुल्‌बाङ् स्‍याव्आनाः’ त दाय्‍ह्‌ती दाय्‍ह्ओ लेखती मुनाः।

लुका 20:17 ပူးပေါင်းရင်းမြစ်များ

मत्ती 21:42

“लौ परमेस्‍वर्‌इ बयःओ आखरःहाङः इलेः लेखओ माःर ‘कीम् जाङ्‌ह्ओलम्इ ङ्‌हा “इ पेमालो” त दाय्‍ह्‌ती ताती वाय्ओ बाङ्‌पाय् लोने कीम् गाराकोः मुल्‌बाङ् स्‍याव्आनाः। इलेः प्रभु परमेस्‍वर्‌इ जाङ्‌ह्आकान् बा इपाय् गुच्‍युक् पेजेःनाः’ त दाय्‍ह्ओ लेखती मुनाः।

मर्‌कस् 10:23

ओउः मान्‍ता लीह्‌ती पाय्‍ह्आक्‌तीको येसुइ लयःकुस् वाह्ओमयःकायः त्‍यास्‌ती योती “ओउःच्‍युक् नाःतो नाःओ मान्‍ताकायः परमेस्‍वर्‌कोः राजीताङ् पोक्‌सा आन चाक्‌तो लेःआः बा” त दाय्‍ह्‌ती येसु दाय्‍ह्आ

मर्‌कस् 12:10

“परमेस्‍वर्‌इ बयःओ आखरःहाङः इलेः लेखओ माःर। ‘कीम् जाङ्‌ह्ओलम्इ ङ्‌हा ताती वाय्ओ बाङ्‌पाय् लोने कीम् गाराकोः मुल् बाङ् स्‍याव्आनाः।

मर्‌कस् 3:5

ओउःमयः नोःमाःत ल्‍हुङ् कलःतो मुती झ्‍यान्‍ते येसु लीह्‌तीमा ओउःमयःकायः ल्‍हुङ् मल्‍ह्‌तीमा त्‍यास्‌ती योआथास। फेरी ओउः क्रुत् स्रीत्‌ती जीक्ओकायः “लौ क्रुत् प्‍योस दा” त दाय्‍ह्‌ती येसुइ तोथातो ती ओउः मान्‍ता क्रुत् प्‍योआक्‌तीको जुगाङ् सेलः स्‍याव्आ।

लुका 19:41

ओहाङःसैको यरुसालेम् सहर्‌ताङ् दाह्‌ती च्‍यवःआक्‌तीको येसु ल्‍हुङ् लीह्‌तीलेः र्‍याःआ

लुका 22:37

दोह् हायःती दाय्‍ह्‌सा ओउः उय्‍ह्‌लेकोः आखरःहाङः लेखओ ङाकायः तोओ कुरापाय् द्याह् ताप्‌तो स्‍याव्‌सा खेःनाः ‘ओउः मान्‍ताकायःपाय् पेमालो मान्‍तालम्‌लो लेखालेः न्‍युम्‍ह्‌ताक्‌नाःथै’ त दाय्‍ह्‌ती दाय्‍ह्ओ ङाकायः लेखती मुलेःनाः। ओउः कुरापाय् द्याह् ताप्‌तोलेः स्‍याव्‌नाः बा” त दाय्‍ह्‌ती येसु तोआथास।

लुका 22:61

येसुइ ल्‍हेःती पत्रुस्‌कायः योआकान् ओहाङःसैको येसुइ मेस्‌लो तोओ कुरापाय् “लौ तेन् याह्‌दीङ्‌कोः वाः गोःधाङ्‌माःखाहाङः ङाकायः ‘येसुकायः ङाइ तय्‍ह्‌ङल’ त नाङ्इ सुम् पल्‍ततेः दाय्‍ह्‌तेःनाः” त दाय्‍ह्ओ कुरा पत्रुस्इ गीलआकान्।

लुका 24:44

ङाः जेःआक्‌तीको “ङा नीङ्‌कुस् ङ्‌हा मुतोक्‌हाङः ‘लौ मोसाइमा परमेस्‍वर्‌कोः कुरा छ्यानःओमयःइमा भजन्‌हाङःमा ङाकायः लेखती तोओ कुरा सबै ताप्‌तो स्‍याव्‌सा खेःतो’ त ङाइ दाय्‍ह्‌ती स्‍यान्‌नेःआलाङ्‌स” त दाय्‍ह्‌ती

युहना 15:25

इतलेः ओउःमयःकोः आखरःहाङः लेखती मुनाः ‘ङाइ दोह्‌मा हायःमाःत ङाकः ओउःमयः अह्र्नै’ त दाय्‍ह्‌ती लेखओ ओउः कुरा द्याह् ताप्‌तो स्‍याव्ओ लेःआः

खबरदुत 4:11

नीङ्‌कोः आखरःहाङः इतलेः लेखती मुनाः ‘दोह् बाङ्‌लो नीङ् मान्‍तालम्इ “इ पेमालो” त दाय्‍ह्‌ती ताती वाय्‌तेःनीतो ओउः बाङ्‌लेः लोन्‍ह्‌ते कीम् गाराकोः मुल्‌बाङ् स्‍याव्आनाः’ इलो लेखालेः नीङ्इ ङ्‌हा वाय्ओ येसुपाय् द्याह् ताङ्‌ह्‌तोलेः स्‍याव्आ।

एफेसस् 2:20

नीङ्‌पाय् ङीकुस्‌लेः परमेस्‍वर्‌इ लयःकोः मन्‍दीर्‌ कीम्‌लो लेखा जाङ्‌ह्‌नौ। ओउः कीम्‌कोः तोस्‌बाङ्‌पाय् येसुइ छ्युङ्‌ह्‌ती ल्‍होक्ओमयःमा ओउःकोः कुरा छ्यानःती तोओलम्‌मा स्‍याव्‌नै। कीम्‌कोः मुल्‌बाङ्‌पाय् येसु ख्रीस् लेःआः।

१ पत्रुस् 2:6

ओहाङःसै परमेस्‍वर्‌कोः आखरःहाङः “लौ सीओन् त तोओ सहर्‌हाङः ङाइ यात्‌चाक्‌कायः लयः छ्युङ्‌ह्ओ कीम्‌हाङः देसा आन पेओ मुल्‌बाङ्‌लो लेखा गम्‌लेःनाङः। सुसुइ ओउःकोः कुरा ग्‍याती ङ्‌हाम्‌नानी ओउः मान्‍तापाय् गलमा ल्‍हुङ् घ्‍युम्‌तो स्‍याव्इली” त लेखती मुनाः।