लुका 20:13 - चेपाङ

¹³ ओउःत हायःआक्‌तीको ओउः राङ्‌कोः धनीपाय् ‘लौ द्याह् दोह् हायःचाङः ती। छ्यो ङाकोः लयःकोः ल्‍हुङ् गोरे चोःलेः ल्‍होक्‌नाङः। ओउःइ तोओ कुरापाय् ओउः राङ् मेनःओलम्इ एङःती रोम्‌नाःथै यादो’ त म्‍हर्‌ती लयःकोः चोः ल्‍होक्आकान्।

लुका 20:13 ပူးပေါင်းရင်းမြစ်များ

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

मत्ती 3:17

एत च्‍यवःतोक्‌हाङः “लौ इपाय् ङाकोः आन राप्ओ ल्‍हुङ्‌गोरे चोःलेःतेः खेःनाः बा। ओउःकः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्ओ वाङ्आ।

लुका 18:2

“लौ यात्‌ज्‍योः सहर्‌हाङः यात्‌चाक् मुत्‍ध तात्‌तो हाकीम् खेःतो। ओउः मान्‍तापाय् सुकःमा एङःल परमेस्‍वर्‌कःमा एङःल।

लुका 18:4

ओउः हाकीम्‌पाय् ङ्‌हापाय् ओउः मोमःचोःकायः सायःसा ग्‍याआक्‌ल। ग्‍यासापाय् ग्‍याआक्‌मालो खेःतो ओउः मोमःचोःपाय् दीन्‌का दीन् वाङ्‌ती युङ्‌तीलेः तेती झ्‍यान्‍ते लोन्‍ते ‘दोङ्‌सीलेः ङापाय् परमेस्‍वर्‌कःमा सुकःमा एङःङल बा। सुकोःमा कुरा सायःसा खेःङल।

लुका 20:12

फेरी ओउः राङ्‌कोः धनीइ अरु नोकरी ल्‍होक्उतो ओउःकायः ओउः राङ् मेनःओलम्इ थोःती वयःताक्आक्‌तीको बारीकोः बाहीरताङ् क्‍लाःआथै।

लुका 20:14

ओहाङःसैको ओउः धनीकोः चोः दाह्‌ती वाङ्ओ च्‍यवःती ‘लौ उया इपाय् राङ्‌कोः धनीकोः ओकोलो चोः लेःआः रैस। इकायः चुम्‌ती सात्‌नी दा। ओहाङःसैको आपा सीआक्‌तीको इ राङ्‌पाय् ङीकोःलेः स्‍याव्आनाः’ त दाय्‍ह्‌ती नोःकाय्‌ती

लुका 9:35

ओहाङःसैको मुस्‌सै यात्‌ज्‍योः हाव्‌नयः वाङ्‌ती “लौ इपाय् ङाकोः आन राप्ओ लयःइ छ्युङ्‌ह्ओ चोः लेःआः बत्‌ताङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओआः। इत दाय्‍ह्आक्‌तीको येसु लयःकुस्‌लेः मुओ त पत्रुस् साथीचोङ् च्‍यवःआकानी।

युहना 1:34

ओहाङःसै परमेस्‍वर्‌इ तोओलो लेखा च्‍यवःआलाङः बा। च्‍यवःआक्‌तीको ‘लौ इपाय् परमेस्‍वर्‌कोः चोः लेःआः’ त तोनेःनाङ्‌सु” त दाय्‍ह्‌ती युहना दाय्‍ह्आ।

रोमी 8:3

ङी रेव्ओ ल्‍हुङ् नाःओ मान्‍तालम्‌कायःपाय् ओउः आय् ऐन्‌खेइ दल्‌ताक्‌सा खाय्उलु ओउःत झ्‍यान्‍ते परमेस्‍वर्‌इ लयःकोः चोःपाय् मान्‍तालो लेखा स्‍याव्‌साकायः ल्‍होक्आकान्। ङी रेव्‌तो हायःओ मान्‍तालो स्‍याव्आक्‌तीको परमेस्‍वर्‌कोः चोःइ रेव्ओ काम्‌लम् क्‍युम्‍ह्‌ती वाय्‌ताक्‌साकायः लयःकोः आङ् ल्‍हाआकास। एतलेः परमेस्‍वर्‌इ मान्‍ताकोः रेव्ओ काम् न्‍युम्‍ह्‌ताक्‌माआकान्

गालाती 4:4

ओउःतलेः जाङ्‌ह्‌तय्‍ह्‌नीतो क्रोःओ दीन् पुत्आक्‌तीको परमेस्‍वर्‌इ लयःकोः चोः ल्‍होक्आथै। ओउःकोः चोःपाय् मोमःचोःसै दोःओआः ऐन्‌कोः कुरा जाङ्‌ह्‌सा खेःओ मान्‍ता खेःतो।