लुका 2:40 - चेपाङ

⁴⁰ ओहाङःसैको येसु त तोओपाय् ब्राव्‌ती ताङ्‌ह्‌ती ल्‍हुङ् व्‍हक्‌ती व्‍हाय्‌तो स्‍याव्आ। ओउःकायः परमेस्‍वर्‌इ योनःती योतीलेः पेतो स्‍याव्‌ताक्आथै।

लुका 2:40 ပူးပေါင်းရင်းမြစ်များ

लुका 1:80

ओउःतलेः आपा दाय्‍ह्आ ओहाङःसैको ओउःकोः चोः युहना त तोओपाय् आङ्‌मा ब्राव्‌ती ल्‍हुङ्‌मा व्‍हक्‌तो स्‍याव्‌ती परमेस्‍वर्‌कोः कुरा दीन्‌का दीन् न्‍हाङ्‌तोलेः चीःआकान्। आने यहुदी मान्‍तालम्‌कःताङ् तोलाङ् वाङ्‌सा दीन् दाह्‌धाङ्‌माःखाहाङः युहनापाय् याक्‌गार्‌सीःमालो राङ्‌हाङः मुओ खेःतो।

लुका 2:47

“लौ इच्‍युक् दीन् ज्‍याङःधाङ्‌मालो मान्‍तापाय् गत हायःती इलो खेःओ कुरा व्‍हाय्‌तोलेः चीःसा खाय्‌नौ र” त म्‍हर्‌ती ओउः स्‍यान्ओ मान्‍तालम् ग्‍याङ्‌ह्आकाय्।

लुका 2:52

येसुपाय् ताङ्‌ह्‌ती ब्राव्‌ती ल्‍हुङ् व्‍हक्‌ती व्‍हाय्‌तो स्‍याव्आ ओउःकः परमेस्‍वर्‌मा मान्‍तालम्‌मा सबै म्रोआकाय्।

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

खबरदुत 4:33

फेरी प्रभु येसु सीआक्‌तीको उह्‌ती च्‍योक्ओ कुरा आन व्‍हाय्ओ ग्‍वम्इ येसुकोः छ्युङ्‌ह्ओमयःइ थोल्‍ह्‌ती तोआकानी ओउःमयःकायः परमेस्‍वर्‌इ आन पेतो जाङ्‌ह्‌ताक्आथास।

एफेसस् 6:10

लौ उया पुःचोङ् हौचोङ्‌य प्रभुकोः ताङ्‌ह्ओ ग्‍वम् दोःती ग्रमःत मुन दा। ओउःत हायःती नीङ्इ दोह् खेःयामा हायःसा खाय्‌तेःनानी।

२ तीमोथी 2:1

लौ उया नाङ्‌पाय् ङाकोः चोःलो लेखा स्‍याव्‌तेःनाः येसु ख्रीस्इ नाङ्‌कायः योनःती योती बयःओ ग्‍वम् दोःती ल्‍हुङ् क्रोङ्‌तोलेः मुअ।