लुका 19:37 - चेपाङ

³⁷ ओहाङःसैको जैथुन्‌सायः बुम् ग्‍ल्‍युङ्‌ह्‌ती यरुसालेम् सहर्‌ दाह्‌खेःतोक् बेलाहाङः येसुकुस् वाह्ओलम्इ सबै ओउःमयःइ च्‍यवःओ ताङ्‌ह्ओ ग्‍याङ्‌ह्‌राय्‌लम्‌कायः चोङाय्‌तोलेः परमेस्‍वर्‌कायः लुङ्‌ती ताङ्‌ह्‌ताक्‌ती तोआकानी।

लुका 19:37 ပူးပေါင်းရင်းမြစ်များ

मत्ती 21:1

येसुकायः गुल्‍ह्आकाचु ओहाङःसैको येसुमा ओउःकुस् वाह्ओलम्‌मा आल्‌दा आल्‌दा यरुसालेम् द्याङ्‌तो दाह्‌ती जैथुन्‌सायः त तोओ बुम्‌हाङः मुओ बेथ्‌फागे त तोओ गाव्‌ताङ् द्याङ्‌तोलेः वाङ्आकाय्। ओहाङः दाह्‌ती वाङ्आक्‌तीको येसुइ नीस्‌चाक् लयःकुस् वाह्ओमयः गोत्‌ती

मर्‌कस् 13:3

ओहाङःसैको आल्‌ती ओउः जैथुन्‌सायः बुम्‌ताङ् दाह्‌ती वाङ्आकाय्। इ बुम्‌सै ओउः मन्‍दीर्‌ च्‍यवःसा खाय्ओ खेःतो।

मर्‌कस् 14:26

एत तोआक्‌तीको यात्‌ज्‍योः भजन् गीत् मेआक्‌तीको ओउःमयः बाहीर ग्‍ल्‍युङ्‌ह्‌ती जैथुन् त तोओ बुम्‌ताङ् आल्आकाय्।

लुका 18:43

कुस्‌ब्रक्‌त ओउः मान्‍ताइ मीक्इ पेतो च्‍यवःती झ्‍यान्‍ते परमेस्‍वर्‌कायः लुङ्‌ती ताङ्‌ह्‌ताक्‌ती तोधै येसुकायः गुल्‍ह्आथै। इत योती ओउः अरु हुम्ओ मान्‍तालम्इमा परमेस्‍वर्‌कायः लुङ्‌तीलेः ताङ्‌ह्‌ताक्आथै।

लुका 19:20

ओहाङःसैको यात्‌चाक् अरु नोकरी वाङ्‌ती ‘लौ प्रभुय नाङ्इ बयःओ यात्‌ज्‍याङ् सुन्‌कोः पैसा इलेःआः। ओउः पैसा नाय्‌हाङः पोतोलःती पेतोलेः गम्आलाङः।

लुका 19:29

ओहाङः लन्‍ह्‌ती आल्‌तोक् बेलाहाङः ओउःमयः जैथुन्‌सायः बुम् त तोओ थाव्‌हाङः मुओ बेथ्‌फागेमा बेथानी नीस् गाव्‌हाङः दाह्‌ती वाङ्‌खेःआकाय्। ओहाङः दाह्‌ती वाङ्‌खेःतोक्‌हाङः येसुइ नीस्‌चाक् लयःकुस् वाह्ओमयःकायः गोत्‌ती

लुका 19:36

येसु घोराहाङः लन्‍ह्‌ती वाह्‌तोक्‌हाङः अरु मान्‍तालम्इ लःलयःकोः क्रमःनाय्‌लम् ओउःकोः ङ्‌हासै ल्‍याम्‌हाङः न्‍हाप्‌ती गम्आकानी।

लुका 7:16

ओहाङःसैको ओउः ङ्‌हा सीओ मान्‍तापाय् च्‍योक्ओ लेःआः त च्‍यवःती एत च्‍यवःओ मान्‍तालम्इ आन रैती “दोङ्‌सीलेः ङीकःहाङः यात्‌चाक् आन ताङ्‌ह्ओ परमेस्‍वर्‌कोः कुरा छ्यानःओ मान्‍ता दाह्आबत्आतय्‍ही बा” त दाय्‍ह्‌तीमा “परमेस्‍वर्‌पाय् लयःकोः मान्‍तालम्‌कायः दल्‌ताक्‌लाङ् वाङ्ओ लेःआः बा” त दाय्‍ह्‌तीमा परमेस्‍वर्‌कायः लुङ्‌तीमा ताङ्‌ह्‌ताक्‌तीमा तोआकानी।

युहना 12:18

ओउःत झ्‍यान्‍ते ओउः ग्‍याङ्‌ह्‌राय्‌कोः कुरा सायःआक्‌तीको अरु अरु मान्‍तालम् येसुकायः क्रुस्‌लाङ् वाङ्आकाय्।