34 “इपाय् प्रभुकायः चाहनाः” त दाय्ह्ती त्याङ्आकाच।
ओउः घोराकोः चोःकायः फेन्ती ल्होक्तोक् बेलाहाङः घोराकोः धनीलम् वाङ्ती “दोह् हायःतीतेः इकायः फेन्ती ल्होक्तेःनाःजु” त दाय्ह्ती व्हत्थाचतो
ओहाङःसैको फेन्आक्तीको ओउःनीस्इ ओउः घोराकोः चोःकायः येसुकःताङ् वानःती ओउः घोराकोः गीङ्हाङः लयःकोः क्रमःनाय्इ न्हाप्ती गम्ती येसुकायः लन्ह्ताक्आथै।
एतलेः नीङ्कोः आखरःहाङः लेखती मुलेःनाः फेरी ओउः आखरःकोः कुरा दोङ् कुरा लेःआः बा। ओउः मान्तालम्खेकायः ‘लौ नीङ्पाय् देवालम् लेःतेःइ’ त परमेस्वर्इ दाय्ह्ती तोआकान् माःर।
ओउः बेलाहाङः येसुकुस् वाह्ओमयःइ “इ आखरःकोः कुरा द्याह् ताप्नाः” त चीःआक्नीली लोनेः येसु च्योक्आक्तीको ताङ्ह्तो स्याव्ओ बेलाहाङः ओउःमयःइ ओउः आखरःहाङः लेखओ कुरापाय् “दोह्कायः तोओलेः” त पेतो चीःआकानी।
ङीकोः प्रभु येसु ख्रीस्लेः आन योनःओ ल्हुङ् खेःतो त चीःतेःनानी। ओउःपाय् ङ्हालेः आन नाःतो नाःओ खेःतो। नाःसापाय् नाःओलेः खेःतो नीङ्कायः नाःतो नाःताक्साकायः येसुपाय् ह्र्यात् स्याव्ताक्आकास।
