लुका 19:13 - चेपाङ

¹³ ओउःत झ्‍यान्‍ते ओउः अरु देस् आल्‌सा चीङ्ओ बेलाहाङः ओउः राजाकोः मन्‍तरीइ लयःकोः काम् जाङ्‌ह्ओ नोकरीलम्‌कायः गोत्‌ती ओउःइ मान्‍ता मान्‍ताकायःपाय् याआःचाक्‌कायः यात्‌ज्‍योः सुन्‌कोः पैसा बयःआथास ‘ङा वाङ्‌धाङ्‌मालोहाङः इ पैसाइ लेःती वीनःती रीन् बयःती न्‍हाङ्‌तोलेः पैसा क्‍युताक्‌नाङ्‌स दा’ त दाय्‍ह्‌ती तोआथास।

लुका 19:13 ပူးပေါင်းရင်းမြစ်များ

मत्ती 25:16

ओहाङःसैको मालीक् आल्आक्‌तीको ओउः पास् लाख् त्‍याक्ओ नोकरी चीस् लेःतीमा वीनःतीमा अरु पास् लाख् दोःआ।

मत्ती 25:20

गोत्आक्‌तीको ओउः पास् लाख् त्‍याक्ओ नोकरीइपाय् वाङ्‌ती ‘अ प्रभुय ङाकायः पास् लाख् बयःतेःआची लौ ओउः पास् लाख्‌कुस् ङाइ अरु पास् लाख् क्‍युती वानःती पाय्‍क्‌नेःनाङ्’ त दाय्‍ह्‌ती सबै दस् लाख् रुपीया पाय्‍क्आकान्।

मत्ती 25:22

ओहाङःसैको ओउः नीस् लाख् रुपीया त्‍याक्ओ नोकरीमा वाङ्‌ती ‘अ प्रभुय ङाकायः नीस् लाख् बयःतेःआची ङाइ अरु नीस् लाख् क्‍युती वानःती पाय्‍क्‌नेःनाङ्’ त दाय्‍ह्‌ती सबै चार्‌ लाख् रुपीया पाय्‍क्आकान्।

मत्ती 25:24

ओहाङःसैको ओउः यात् लाख् रुपीया त्‍याक्ओ मान्‍तापाय् वाङ्‌ती ‘अ प्रभुय नाङ्‌पाय् खह्र्ओ मान्‍ता लेःआः त ङाइ चीःआलाङः। बीया चोया वार्‌मालो राङ्‌सै नाङ्इ आन सायः त्‍युम्‍ह्‌ती वानःनानी तमा चीःआलाङः

लुका 19:12

“यात्‌चाक् राजाकोः मन्‍तरी मान्‍ता खेःतो। यात् दीन् ओउः मान्‍तापाय् राजा स्‍याव्‌साकायः अरु देस्‌हाङः आल्‌सा खेःतो। ओउः देस्‌हाङः राजा स्‍याव्आक्‌तीको लयःकोः देस्‌ताङ् पाय्‍ह्‌सा खेःतो।

लुका 19:14

इत तोआक्‌तीको ओउः मन्‍तरीपाय् अरु देस्‌ताङ् आल्आकाय्। ओहाङः आल्‌ती मुतोक्‌हाङः ओउःकोः लयःकोः देस्‌कोः मान्‍तालम्इ ओउःकः ल्‍हुङ् मल्‍ह्‌तो स्‍याव्‌ती ‘लौ ओउःकः ङी झाक्‌तय्‍हीली। ओउःपाय् ङीकोः राजा स्‍याव्‌ताक्‌लाम्’ त दाय्‍ह्‌ती ओउः अरु लोक्‌तो देस्‌कोः ताङ्‌ह्ओ माहाराजाकायः दर्‌कास् ल्‍होक्‌नीतो

युहना 12:26

सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

गालाती 1:10

ङाइ एत तोती मान्‍ताकायः म्रोताक्‌सा बोङःङल परमेस्‍वर्‌कायः ह म्रोताक्‌सा बोङःनाङः दोह् हायःती दाय्‍ह्‌सा मान्‍ताकायः म्रोताक्‌सा बोङःधाङ्‌चानाङः त खेःया ख्रीस्‌कोः काम् पेतो जाङ्‌ह्‌सा खाय्‌ङल।

याकुब् 1:1

लौ नीङ् चार्‌ दोवागन रुनःधओ परमेस्‍वर्‌कोः बार खलक्‌कोः ङ्‌हाम्ओलम्‌य इ चेती परमेस्‍वर्‌कोःमा प्रभु येसु ख्रीस्‌कोः नोकरीमा ङा याकुब्इ लेखती सबैकायःलेः नमस्‍ते ल्‍होक्‌नेःनाङ्‌स।

२ पत्रुस् 1:1

ङा सीमोन् पत्रुस् त तोओ येसु ख्रीस्इ छ्युङ्‌ह्‌ती ल्‍होक्ओ नोकरीइपाय् इ चेती सबै ङीलो लेखा पेतो ङ्‌हाम्ओलम्‌कायः लेखती ल्‍होक्‌नेःनाङ्‌स। एत अरुसै जुगाङ् दोःमालो ङ्‌हाम्ओ ल्‍हुङ्‌पाय् ङीकोः ओजायः जय्‌कुमःओ परमेस्‍वर्‌इमा ङीकायः दल्‌ताक्ओ येसु ख्रीस्इमा आन पेतो हायःती दोःताक्आतय्‍ही