लुका 18:38 - चेपाङ

³⁸ इत सायःआक्‌तीको “अ येसुय नाङ् दावुद् राजाकोः प्‍लोमःदानेतेः ङाकायः योनःतीलेः सायःचाक्‌ची दै” त दाय्‍ह्‌ती ओउः मीक् लोक्ओ मान्‍ताइ आन सोतोलेः गोःआकान्

लुका 18:38 ပူးပေါင်းရင်းမြစ်များ

मत्ती 12:23

ओउः मान्‍ता जुगाङ् सेलः स्‍याव्ओ च्‍यवःती सबै ओहाङः हुम्ओ मान्‍तालम् आन ग्‍याङ्‌ह्आकाय् “लौ इपाय् ओउः वाङ्‌सा खेःओ दावुद् राजाकोः प्‍लोमःदाने लेःआः बा” त दाय्‍ह्‌तो नोःकाय्इतो

मत्ती 15:22

ओहाङः दाह्आक्‌तीको यात्‌चाक् कनानी जात्‌कोः मोमःचोः ओउः देस्‌सै वाङ्‌ती “अ प्रभुय नाङ् दावुद् राजाकोः प्‍लोमःदाने लेःतेःआः। ङाकायः योनःती योउ दै। ङाकोः चोःद्याङ्‌कायः लान्इ आन जोक्‌तो ङायःआबत्‌ताङः” त दाय्‍ह्‌ती गोःती येसुकायः काःहाल्‌लाङ् गुल्‍ह्उतो येसुखे दोह् तमा दाय्‍ह्‌ल।

मत्ती 21:15

ओहाङःसैको येसुइ इतलो पेओ काम् जाङ्‌ह्ओमा च्‍यवःती हौलम्इ “अ दावुद् राजाकोः प्‍लोमःदानेय भालातेः वाङ्‌तेःआ” त दाय्‍ह्‌ती गोःओमा सायःती ओउः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःमा ल्‍हुङ् मल्‍ह्‌तो स्‍याव्आकाय्

मत्ती 21:9

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

मत्ती 9:27

ओहाङःसैको येसु ओउः कीम्‌सै ग्‍ल्‍युङ्‌ह्‌ती आल्‌ती वाह्‌तोक्‌हाङः नीस्‌चाक् मीक् लोक्ओइ ओउःकायः गुल्‍ह्‌ती “अ नाङ् दावुद्‌कोः प्‍लोमःदानेय नीचीकायः योनःती योताङःच दा” त दाय्‍ह्‌ती गोःआकाचु। ओउःत येसुकायः गोःती गुल्‍ह्आकाचु।

लुका 18:37

“ए नासरेत् गाव्‌कोः येसुलेः वाङ्आनाः” त दाय्‍ह्‌ती छ्यानःआथै।

लुका 18:39

इत गोःतोक्‌हाङः ओउःकोः ङ्‌हाहाङः हुम्‌ती मुओ मान्‍तालम्इ “लौ ङैमाःत मुअ” त दाय्‍ह्‌ती जान्‌तीलेः तोथातो ओउःइ न्‍हाङ्‌तोलेः “अ नाङ् दावुद् राजाकोः प्‍लोमःदानेतेः ङाकायः योनःतीलेः सायःचाक्‌ची दै” त दाय्‍ह्‌ती गोःआकान्।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

प्रकाश 22:16

“लौ इ कुरा सबै ङ्‌हाम्ओलम् छ्यानःती तोसा थेङा ङा येसुइ ङाकोः ल्‍होक्ओमयःकायः नीङ्‌कःताङ् ल्‍होक्आलाङः। ङापाय् दावुद्‌कोः होह्र्कोः तुङःलेः ओउः बीहान प्रीमा च्‍योक्‌ती थाओ थोङ्ओ कार्‌ लेःआः ङ” त दाय्‍ह्‌ती ओउःपाय् दाय्‍ह्आ।