लुका 18:16 - चेपाङ

¹⁶ येसुखेइ ओउः हौलम्‌कायः लयःकःताङ् गोत्‌ती “खेःल इ हौलम्‌कायः त्‍याःमाःत ङाकःताङ् वाङ्‌पै। इलो खेःओलम्‌पाय् परमेस्‍वर्‌कोः राजीहाङः मुसा दोःनै।

लुका 18:16 ပူးပေါင်းရင်းမြစ်များ

मत्ती 19:14

हौलम्‌कायः वानःसा ताक्‌नीली त येसुइ च्‍यवःती “खेःल हौलम् त्‍याःमाःत ङाकःताङ् वाङ्‌पै। इ हौलो खेःओ मान्‍ता ह परमेस्‍वर्‌कोः राजी मुसा दोःनै” त दाय्‍ह्‌ती येसुइ तोआकान्।

लुका 18:15

ओहाङःसैको येसुकः “आसीक् तेलाङ् आल्इ” त दाय्‍ह्‌ती आमा आपालम्इ लयःकोः चोःलम् येसुकःताङ् वानःसा बोङःनीतो इत च्‍यवःती येसुकुस् वाह्ओमयःखेइ “हौलम्‌पाय् वानःलाम्” त दाय्‍ह्‌ती जान्‌ती येसुकःताङ् वानःसा ताक्‌थासल

लुका 18:17

दोङ्‌सी दाय्‍ह्‌भनाङ् परमेस्‍वर्‌कोः राजी पोक्‌साकायः नीङ्इ इ हौलम्‌लो लेखालेः स्‍याव्‌ती ङ्‌हाम्‌सा खेःतेःनै बा खेःतेःल उया पोक्‌सा दोःल” त दाय्‍ह्‌ती येसुइ ओउःकुस् मुओलम्‌कायः तोआथास।

खबरदुत 2:39

इ परमेस्‍वर्‌इ तोती गम्ओ कुरापाय् नीङ्‌कायःमा नीङ्‌कोः प्‍लोमःदानेकायःमा लोक्‌तो मुओ मान्‍तालम्‌कायःमा स्‍याव्‌नाः। सुसुकायः प्रभु परमेस्‍वर्‌इ गोत्‌तेःनै ओउःकायःलेः इ रेव्ओ काम् क्‍युम्‍ह्ओमा परमेस्‍वर्‌कोः ग्‍वालामः दोःओ कुरामा स्‍याव्‌नाः बा” त पत्रुस् दाय्‍ह्‌ती त्‍याङ्आ।

१ कोरीन्‍थी 14:20

लौ पुःचोङ् हौचोङ्‌य इ कुरापाय् व्‍हाय्ओ कुरा लेःआः व्‍हाय्‌मालो मीओ हौलम्‌लो लेखा मुलाम्। रेव्‌तो काम् जाङ्‌ह्‌साखेकायः व्‍हक्‌मालो मीओ हौलम्‌लो लेखा मुतेःपै। परमेस्‍वर्‌कोः कुरा चीःसाखेकायः व्‍हाय्ओ ताङ्‌ह्ओ मान्‍तालो लेखा स्‍याव्‌तेःपै।

१ कोरीन्‍थी 7:14

दोह् हायःती दाय्‍ह्‌सा ङ्‌हाम्‌मालो बुधापाय् ङ्‌हाम्ओ बुधीकुस् मुती झ्‍यान्‍ते ओउः बुधापाय् छय्‍ङ्‌तोलेः स्‍याव्‌नाः फेरी ङ्‌हाम्‌मालो बुधीमा ङ्‌हाम्ओ बुधाकुस् मुती झ्‍यान्‍ते ओउःमा छय्‍ङ्‌तोलेः स्‍याव्‌नाः ओउःत खेःया नीङ्‌कोः चोःलम्‌मा छय्‍ङ्‌तोलेः मुनै रेव्‌तो खेःइली।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।