लुका 17:3 - चेपाङ

³ ओउःत झ्‍यान्‍ते ङाकोः मान्‍तालम्‌कायः पेमालो काम् जुगुलाङःहाङः जाङ्‌ह्‌ताक्‌लाम्। ओहाङःसैको यात्‌चाक् नाङ्‌कुस् मुओ मान्‍ताइ नाङ्‌कायः पेमालो काम् जाङ्‌ह्‌तेःनाः त खेःया ओउःकायः पेताक्‌साकायः स्‍यान्‌ती तोउ। नाङ्इ तोओ कुरा ओउःइ सायःनौ त खेःयाकायः ओउःकः ब्राङ्‌ती ल्‍हुङ् मल्‍ह्‌तेःचानाः।

लुका 17:3 ပူးပေါင်းရင်းမြစ်များ

मत्ती 18:21

ओहाङःसैको येसुइ एत तोआक्‌तीको पत्रुस् ओउःकःताङ् वाङ्‌ती “लौ ङाकोः पुःचोङ् ङाकायः पेमालो हायःझुङ्‌नाःताङः त खेःया गुच्‍युक् पल्‍तकायः ङा ओउःकः ल्‍हुङ् मल्‍ह्‌माःत मुसा खेःतो सात् पल्‍तकायःया” त दाय्‍ह्‌ती येसुकायः व्‍हत्‌थातो

लुका 21:34

लौ पेतो धय्‌ती मुन दा। नीङ् धय्‌ती ल्‍युङ्‌ह्‌ती मुमाःत लुङ्‌ह्‌जेःती हान् तुङ्‌ती लयःकोः काम्‌लम्‌कायः ल्‍हुङ् रुःती मुतेःनै त खेःया नीङ्इ जुगाङ् चीःमालो दीन्‌हाङः ओउः मान्‍ताकोः चोःपाय् याव्‌छीत्‌हाङः ग्रीनःरुसीत दाह्‌ती वाङ्‌लेःनाः।

एफेसस् 5:15

नीङ् थोङ्ओहाङः वाह्‌लेःतेःनै ओउःत झ्‍यान्‍ते पेतो व्‍हाय्‌तो चीःती वाह्‌न आह्रे चीःओ मनःओ मान्‍तालो लेखा वाह्‌तेःचनै।

हेब्रैनी 12:15

एत वाह्‌तोक्‌हाङः “सुइमा परमेस्‍वर्‌कोः योनःती योओकःसै ल्‍हेत्‌लाम्” त दाय्‍ह्‌ती घीःतीलेः मुन उया ल्‍हुङ्‌हाङः छुर्‌मु दुङ्‌ती लीह्‌सीःओ स्‍याव्‌ताक्‌ती नाःतो मान्‍ताकायःमा रेव्‌ताक्‌चाःथास।

याकुब् 5:19

लौ उया पुःचोङ् हौचोङ्‌य नीङ्‌कःहाङः यात्‌चाक् दोङ् कुरा जाङ्‌ह्‌ती वाह्ओकायः फेलेःनौ त खेःया अरुइ ओउःकायः दोङ् कुरा जाङ्‌ह्‌ती वाह्‌साकायः द्यानःपाःथै।

२ युहना 1:8

ओउःत खेःओ ल्‍हुङ् घीःती मुन ओहाङःसैको नीङ्‌कोः हायःझ्‍याङ्‌कोः वाय्‌माःत मुनाः जुगाङ् दोःतेःनै।