लुका 17:24 - चेपाङ

²⁴ दोह् हायःती दाय्‍ह्‌सा ङा मान्‍ताकोः चोः त तोओखे वाङ्ओपाय् दाह्‌न्‍याम्‌सै ब्‍लक्‌न्‍याम्‌ताङ् प्‍लीङ्‌ह्ओ न्‍याम्‌लो लेखालेः सबै च्‍यवःसा दोःलेःनै।

लुका 17:24 ပူးပေါင်းရင်းမြစ်များ

मत्ती 24:27

दोह् हायःती दाय्‍ह्‌सा ङा मान्‍ताकोः चोःत तोओकोः दोङ् द्यान्‍ह्‌ती वाङ्‌तोक्‌हाङः दाह्‌न्‍याम्‌सै ब्‍लक्‌न्‍याम्‌ताङ् प्‍लीङ्‌ह्ओ न्‍याम्‌लो लेखा ङा वाङ्ओपाय् सबै च्‍यवःसा दोःनै।

मत्ती 24:30

ओहाङःसैको फेल्‌बाङ्‌हाङः ओउः मान्‍ताकोः चोः वाङ्‌सा खेःओ चीन्‍ह च्‍यवःनानी। च्‍यवःआक्‌तीको ल्‍हाव्‍ह्‌दैबाङ्‌हाङः सबै जात्‌कोः मान्‍तालम्इ क्रेस्‌नानी। ओउःमयःइ मान्‍ताकोः चोः त तोओ आन पेतो अङ्‌ग थङ्‌गत एङःसीःतो थोङ्‌ती मुस्‌हाङः वाङ्ओ च्‍यवःनानी।

मत्ती 25:31

ओउः मान्‍ताकोः चोः अङ्‌ग थङ्‌ग त ताङ्‌ह्ओ ल्‍होक्ओमयःकुस् वाङ्‌तोक्‌हाङः ओउःपाय् राजालो लेखा च्‍युङःती मुनाः।

मत्ती 26:64

“नाङ्इ तोओलो लेखा ओउःतलेः खेःनाङः। लौ ङाइ तोनेःनानाङ्‌स लोन्‍तेसै ओउः मान्‍ताकोः चोः त तोओपाय् परमेस्‍वर्‌कोः गुल्‍ह्‌दाङ् स्‍याव्आक्‌तीको ओउःकोः ग्‍वम् दोःती लाङ्‌कासै मुस्‌हाङः ग्‍ल्‍युङ्‌ह्‌ती वाङ्ओ च्‍यवःतेःनानी” त दाय्‍ह्‌ती येसुइ तोआथास।

मत्ती 5:15

बत्ती हवःआक्‌तीको सुइमा पाथीइ कोमःती खुप्‌ती गम्‌नीली। हवःआक्‌तीको यास्ओ थाव्‌हाङः गम्‌ती कीम् जुदालेः थोङ्‌ताक्‌नानी।

१ कोरीन्‍थी 1:8

येसु ख्रीस्इलेः नीङ्‌कायः ग्रमःत स्‍याव्‌ताक्‌ती झ्‍यान्‍ते ओउःकोः वाङ्‌सा खेःओ दीन्‌कायःपाय् नीङ् पेतो छय्‍ङ्‌तो मुतेःनै।

१ थेसलोनिकि 5:2

ओउः कुराकायःपाय् “गतलो वाङ्‌नाः” त नीङ्इ लयः चीःतेःनानी। याह्‌दीङ्‌हाङः वाङ्ओ कुःसा बोङःओ मान्‍ता “गल वाङ्‌चाः” त अरु सुइमा चीःआक्‌नीली। ओउःलो लेखालेः प्रभु वाङ्‌सा खेःओ दीन्‌पाय् “गल वाङ्‌नाः” त मान्‍ता सुइमा चीःआक्‌नीली।

२ थेसलोनिकि 2:2

प्रभु वाङ्‌सा खेःओ दीन् “द्याह्‌पाय् दाह्ओ लेःआः” त तोओ सायःतेःआकानी त खेःया “लौ ल्‍हुङ् रुःमामाःत ब्रःमामाःत ल्‍हुङ् धोमाय्‌तो मुन” त तेती तोनेःनाङ्‌स। “ओउः कुरापाय् पावुल्इ परमेस्‍वर्‌कोः ग्‍वालामःसै दोःती स्‍यान्आताङी चेतीहाङः लेखआताङी” त दाय्‍ह्‌ती यात्‌नीस्‌चाक्इ माःती तोनानी यादो।

२ थेसलोनिकि 2:8

ओहाङःसैको ओउः आल्‌सा बेलाहाङःपाय् ओउः रेव्ओ चाक्‌पाय् छ्यानःतीलेः थानाः। थाआक्‌तीको प्रभु येसुइ आन पेतो आङ्‌ग थाङ्‌ग त ग्‍वम्‌कुस् वाङ्‌ती ओउः रेव्ओचाक्‌कायः यातै सास्‌हाङः सात्‌ती वाय्‌नाःथै।

याकुब् 5:8

नीङ्‌मा गुह्र्माःत पेतो म्रोती ल्‍युङ्‌ह्‌ती मुन प्रभु वाङ्‌सा बेलापाय् दाह्‌खेःनाः बा।

२ पत्रुस् 3:10

प्रभुइ ल्‍युङ्‌ह्‌सापाय् ल्‍युङ्‌ह्‌लेःनौ ओउःकोः वाङ्‌सा खेःओ दीन्‌पाय् कुःसा बोङःओ मान्‍तालो लेखालेः वाङ्‌नाः। ओउः दीन् “गल वाङ्‌नाः” त अरुइ चीःआक्‌नीली। ओउः दीन्‌हाङःलेः फेल्‌बाङ्‌पाय् ताङ्‌ह्ओ मुक्ओ कुस्‌ब्रक्‌त म्‍हीत्‌ती वाय्‌लेःनाः। ओउःहाङः सबै थोक्‌लम्‌कायः म्‍हेःइ माक्‌नौ। ल्‍हाव्‍ह्‌दैबाङ्‌मा ओहाङः मुओ सबै थोक्‌लम् म्‍हीत्‌तोलेः वाय्‌तो स्‍याव्‌नाः।