लुका 17:13 - चेपाङ

¹³ ओउःमयःपाय् लोक्‌तोसै चीङ्‌ती मुती “अ प्रभु येसुय ङीकायः योनःताङी दै” त दाय्‍ह्‌ती गोःती तोआकानी।

लुका 17:13 ပူးပေါင်းရင်းမြစ်များ

मत्ती 15:22

ओहाङः दाह्आक्‌तीको यात्‌चाक् कनानी जात्‌कोः मोमःचोः ओउः देस्‌सै वाङ्‌ती “अ प्रभुय नाङ् दावुद् राजाकोः प्‍लोमःदाने लेःतेःआः। ङाकायः योनःती योउ दै। ङाकोः चोःद्याङ्‌कायः लान्इ आन जोक्‌तो ङायःआबत्‌ताङः” त दाय्‍ह्‌ती गोःती येसुकायः काःहाल्‌लाङ् गुल्‍ह्उतो येसुखे दोह् तमा दाय्‍ह्‌ल।

मत्ती 9:27

ओहाङःसैको येसु ओउः कीम्‌सै ग्‍ल्‍युङ्‌ह्‌ती आल्‌ती वाह्‌तोक्‌हाङः नीस्‌चाक् मीक् लोक्ओइ ओउःकायः गुल्‍ह्‌ती “अ नाङ् दावुद्‌कोः प्‍लोमःदानेय नीचीकायः योनःती योताङःच दा” त दाय्‍ह्‌ती गोःआकाचु। ओउःत येसुकायः गोःती गुल्‍ह्आकाचु।

मर्‌कस् 9:22

बेला बेलाहाङः ओउः लान्इ म्‍हेःहाङःमा तोस्‌नाःथै बेला बेलाहाङः ज्‍युम्‍ह्‌तो तीःहाङः तोस्‌नाःथै ङाकोः चोःकायः सात्‌ती वाय्‌सा बोङःती ओउःतलेः हायःनाःथै। नाङ्इ खाय्‌तेःनौ त खेःया नीची नीस् आपाचाःकायः योनःती योती इकायः स्‍याक्‌ताक्‌ताङःच दा” त दाय्‍ह्‌ती ओउः चोःकोः आपा तेआ।

लुका 17:14

इत गोःती तोतोक्‌हाङः येसुइ ओउः दस् कोह्र्इ जीक्ओ मान्‍तालम्‌कायः च्‍यवःती “लौ मन्‍दीर्‌कोः पुरोहीत्‌लम्‌कःताङ् आल्‌ती ओउःमयःकायः ‘लौ ङाकोः आङ्‌पाय् द्याह् सेलः मुलेःनाः’ त दाय्‍ह्‌ती लयःकोः आङ् छ्यानःनु दा” त दाय्‍ह्‌ती येसुइ तोआथास। इत तोओ सायःआक्‌तीको ओउः दस्‌जन आल्इतो ल्‍याम्‌हाङः वाह्‌वाह्‌बाले सबै सेलः स्‍याव्आकाय्।

लुका 5:5

“गाव् माःहै गुरुय ङीइपाय् जुदा याह्‌दीङ्‌च्‍युक्‌कायःलेः वार्‌ङुसुतो यात्‌ज्‍याङ् ङाःमा ङायःङुसुलु। ङायःसापाय् ङायःङुसुलु नाङ्इ इतलेः तोतेःचाक्‌तेःआची उया ङाइधाङ् वार्‌धाङ्‌चाङः उया” त दाय्‍ह्‌ती सीमोन् त्‍याङ्आ।