लुका 16:6 - चेपाङ

⁶ ‘ङाकोः रीन्‌कायः यात् सै माना साती पाय्‍क्‌सा खेःलेःनाङः’ त दाय्‍ह्‌ती ओउः मान्‍ता त्‍याङ्आ ‘लौ उया नाङ्‌कोः कागत्‌पाय् त्‍याक्उ। ओहाङः “पचास् माना पाय्‍क्‌सा खेःतो” त रेन्‍ह्‌तोलेः लेखउ दा’ त दाय्‍ह्‌ती ओउः मान्‍ताकोः रीन्‌कायः आधा वाय्‌ताक्आकान्।

लुका 16:6 ပူးပေါင်းရင်းမြစ်များ

मत्ती 20:8

ओहाङःसैको न्‍याम् ब्‍लक्आक्‌तीको ओउः राङ् नाःओ मान्‍ता ‘लौ खेत्‌ल्‍यालम्‌कायः लःलयःकोः जाङ्‌ह्‌झ्‍याङ्‌कोः त्‍याक्‌साकायः वानःउसु दा। ओउः लोने वाङ्ओलम्‌खेकायः ङ्‌हा वानःती बयःउसु ओउः ङ्‌हा वाङ्ओलम्‌खेकायः लोने बयःउसु’ त दाय्‍ह्‌ती नोकरीकायः तोआकान्।

लुका 16:12

फेरी अरुकोः गह्र्लेः नीङ्इ वाय्‌तेःनानी त खेःया सुइमा नीङ्‌कोः लाङ्‌काकोः दोःसा खेःओ थोक्‌पाय् बयःतेःइली।

लुका 16:5

ओहाङःसैको ओउःकोः मालीक्‌कःसै रीन् त्‍याक्ओ मान्‍तालम्‌कायः गोत्‌ती यात्‌चाक्‌कायः ‘लौ नाङ्‌कोः रीन्‌पाय् गुच्‍युक् मुलेःनाः’ त दाय्‍ह्‌ती व्‍हत्‌थातो

लुका 16:7

अरुकायः ‘लौ नाङ्‌कोः रीन् गुच्‍युक्’ त दाय्‍ह्‌ती व्‍हत्‌ती ‘ङाकोःपाय् यात् सै पाथी गहुङ् लेःआः’ त दाय्‍ह्‌ती ओउः मान्‍ता त्‍याङ्आ। ‘लौ उया इ नाङ्‌कोः कागत्‌हाङः “आसी पाथी” लेखउ’ त दाय्‍ह्‌ती ओउः मुल् नोकरीइ तोआकान्। ओउःत हायःदा हायःदा सबैकायः रीन् छीङ्आथास।

लुका 16:9

लौ इत तोनेःनाङ्‌स ल्‍हाव्‍ह्‌दैबाङ्‌कोः पैसाइ मान्‍तालम्‌कायः म्रोताक्‌नु ओहाङःसैको नीङ्‌कोः पैसा द्योक्आक्‌तीको ओउःमयःइ नीङ्‌कायः गलकायःमा कीम्‌हाङः रोम्‌तेःनै बा।

युहना 2:6

ओहाङःसैको कीम्‌हाङः छगोता तीःकोः घ्‍याम्‍पा खेःतो। ओउः बाङ्‌कोः जाङ्‌ह्ओ बीस् पाथीच्‍युक् ताङ्‌ह्ओ घ्‍याम्‍पाहाङः यहुदीकोः क्रुत् दोम् जेस्‌सा तीः गम्ओ खेःतो।

तीतस् 2:10

ओउःमयःकोः मालीक्‌कोः चीस् दोह्‌मा कुःमाःत सबै काम् जाङ्‌ह्ओ बेलाहाङः ङ्‌हाम्‌सीःओ मुपै। ओउःत हायःती ङीकायः दल्‌ताक्‌सा परमेस्‍वर्‌कोः स्‍यान्‌राय् “पेओ लेःआः” त सबैकायः छ्यानःनानी।