लुका 16:15 - चेपाङ15 येसुइ इत चीःती “लौ नीङ्इ जाङ्ह्ओ काम्लम्पाय् ‘पेओलेः’ त नीङ्इ अरु मान्तालम्कायः ताःताक्तेःनानी दोह् हायःती दाय्ह्सा मान्तालम्इ नीङ्कोः ल्हुङ्तुक्कोः कुरापाय् पेतो चीःसा खाय्तेःइली। ओउःमयःखेइ चीःसा खाय्तेःइली परमेस्वर्खेइ नीङ्कोः ल्हुङ्तुक्कोः पेतोलेः चीःतेःनै बा ओउःत झ्यान्ते दोह् दोह् मान्तालम्खेइ ताङ्ह्ताक्लेःनानी ओउःकःलेः परमेस्वर्खे अह्र्लेःनाः बा। အခန်းကိုကြည့်ပါ။ |
लुका 16:15
40 ပူးပေါင်းရင်းမြစ်များ
ओउःत झ्यान्ते अरु दोह्मा नाःमालो मान्तालम्कायः बयःतोक्हाङः ‘लौ इमयःकायः ङाइजा पेतोलेः बयःआलाङः’ त सबैकायः ल्हाक्ती तोलाम्। ओउःतलेः लयःकोः नेह्रो ओर्ताक्सा बोङःओलम्इ हायःनानी। ओउःमयःइ थनःओ कीम्हाङःमा ल्याम्हाङःमा ‘अरुइ ताङ्ह्ताक्पाःताङः’ त दाय्ह्ती म्हर्ती पैसा बयःनानी। दोङ्सी दाय्ह्भनाङ् ओउःमयःखे लयः झाक्ओ द्याह्लेः दोःओआः बा अरु दोःइली।
ओहाङःसैको ओउः नीस्चाक् मन्दीर्ताङ् दाह्आक्तीको ओउः फरीसीखे चीङ्ती ‘अ परमेस्वर्य ङापाय् अरु मान्तालम्लो लेखालेः रेव्तो काम् जाङ्ह्ओ खेःङल। ङाइ अरुकोः पैसा माःती जेःङल। अरु मान्तालम्कोः बुधीलम्कुस् वाह्ङल। ङापाय् इ जीमदार्च्युक् रेव्तो खेःङल। यात् सातहाङः ङाइ नीस् पल्त उपाङ् काःनाङ्स। ङा दोःओ थोक्लम्कोः दस् भाक्कोः ङाइ याआःज्योः नाङ्कायःलेः बयःनेःनाङ् बा। इच्युक् पेओ काम् जाङ्ह्साकायः ङाइ चीःलेःनाङः त झ्यान्ते नाङ्कायः ङाइ लुङ्तीलेः तोनेःनाङ्’ त दाय्ह्ती ओउः मान्ताखेपाय् लयःकायः तोआकास।
दोङ्सीलेः ओउः जीमदार्इपाय् परमेस्वर्कायः म्रोताक्ती झ्यान्ते परमेस्वर्कोः मीक्हाङः पेतोलेः स्याव्नाः ओउः फरीसीपाय् परमेस्वर्कायः म्रोताक्माःत लयःकोः मीक्हाङः ह पेतो स्याव्आ। सुखेलो लयःकायः अरुसै ताङ्ह्ताक्सा बोङःनाःइसी ओउःलेः अरुसै मीतो स्याव्लेःनै सुखेलो मीओ काम् जाङ्ह्नानी ओउःलेः अरुसै ताङ्ह्तोलेः स्याव्नै” त दाय्ह्ती येसुइ तोआथास।
ओउःत हायःती झ्यान्ते “लौ इ येसुकायः गाल्तुम्ती चुम्सा गत हायःतीलो दोःनाःतय्ही” त दाय्ह्ती ओउःमयःइ येसुकायः ल्युङ्ह्ती सायःती मुओ खेःतो। ओहाङःसैको ओउःमयःइ येसुकायः गाल्तुम्सा बोङःओ मान्तालम् ओउःकःताङ् ल्होक्आकानी “नीङ्इ व्हत्ओ कुरापाय् ओउःइ पेतो त्याङ्सा खाय्उलु त खेःया ङीइ ओउःकायः गाल्तुम्ती चुम्ती रोमी सर्कार्कायः ल्हासा खाय्नाःतय्ह्नी” त दाय्ह्ती ओउः मान्तालम्कायः ल्होक्आकानी। इत ल्होक्ओ मान्तालम्पाय् येसुकःताङ् दोङ् कुराकायः बोङःओ मान्तालो लेखा वाङ्ती
ओउःत हायःसा आन झाक्लेःनै ओउःमयःइमा बुधा सीओ मोमःचोःलम्कोः कीम्लम् माल्ताल्लम् आलःती जेःनानी ओउःत हायःनानी अरुकायः ‘लौ ङापाय् पेओ मान्ता लेःआः ङ’ त छ्यानःसा थेङा अरुकोः मीक्हाङः परमेस्वर्कायः आन ज्याङःतो तेती तोओ माःजाङ्ह्नानी। दोङ्सीलेः इलो खेःओ माःओ जाङ्ह्झ्याङ्कायः ओउःमयः लोनेः जोक्तोलेः न्युम्ह्तो स्याव्लेःनै बा” त दाय्ह्ती येसुइ तोआथास।
ओहाङःसै फेरीलेः “लौ सीमोन्य यहोनास्कोः चोः ङाकायःतेः राप्तेःनाःचीया राप्तेःचीलीया” त दाय्ह्ती व्हत्माथातो “ङाकायःपाय् सुम् पेन्ह् व्हत्आताङः” त म्हर्ती पत्रुस् ल्हुङ् घ्युम्ती “अ प्रभुय नाङ्इ सबै कुरा चीःतेःनौ नाङ्कायः ङाइ राप्ओआः ङ त चीःतेःनौ” त दाय्ह्ती त्याङ्ती “लौ उया ङाकोःमयः भेदालो लेखालेः स्यास्ती योनु दा।
नीङ् लाव्मयःलम्य ओउः दीक्पाल्लम्इ तोओ कुरापाय् ग्याती सायःनु दा। माः रैस नीङ् सबैइ अरु अरुकायः ल्हुङ् युम्तीलेः काम् जाङ्ह्काय्न। सुमा लयःकोः नेह्रो ओर्ताक्लाम् दोह् हायःती दाय्ह्सा परमेस्वर्कोः आखरःहाङः “लौ लयःकोः नेह्रो ओर्ताक्ती वाह्ओलम्खेपाय् परमेस्वर् झाक्ल मीतो वाह्ओलम्खे परमेस्वर्इ योनःती योती पेतोलेः बयःनाःथास” त दाय्ह्ती दाय्ह्ओ लेखती मुनाः।
ကြော်ငြာတွေ