लुका 15:7 - चेपाङ7 दोङ्सीलेः ओउःलो लेखालेः यात्चाक् रेव्ओ काम् जाङ्ह्ओ मान्ताइ ओउःकोः रेव्ओ काम् फेती परमेस्वर्कःताङ् द्यान्ह्ती वाङ्नाः त खेःयाकायः लाङ्काहाङः परमेस्वर् ओउःकोः लाङ्कामयःकुस् आन म्रोती चोङाय्तीलेः मुनै माःहै उनान्सै पेओ मान्तालम् ओउःकःताङ् मुओसै परमेस्वर्इ चोङाय्तो स्याव्ती इ द्यान्ह्ती वाङ्ओ मान्ताकायः रोम्नौ बा। အခန်းကိုကြည့်ပါ။ |
लुका 15:7
13 ပူးပေါင်းရင်းမြစ်များ
‘लौ ङी आब्राहाम्कोः प्लोमःदानेकायःपाय् परमेस्वर्इ न्युम्ह्ताक्तय्हीली वाय्तय्हीली’ ततेः ताःतेःचनै। नीङ्खे मीह्ती वाय्ओ त खेःया दोङ्सीलेः परमेस्वर्इ अरु अरु आब्राहाम्कोः प्लोमःदानेखे इ साःहाङः मुओ बाङ्लम् थाङ्ताक्ती जाङ्ह्सालेः खाय्नौ बा। लौ नीङ्मा ल्हुङ् द्यान्ह्ती रेव्ओ काम् फेसा खेःतेःनै बा।
येसुइ इत चीःती “लौ नीङ्इ जाङ्ह्ओ काम्लम्पाय् ‘पेओलेः’ त नीङ्इ अरु मान्तालम्कायः ताःताक्तेःनानी दोह् हायःती दाय्ह्सा मान्तालम्इ नीङ्कोः ल्हुङ्तुक्कोः कुरापाय् पेतो चीःसा खाय्तेःइली। ओउःमयःखेइ चीःसा खाय्तेःइली परमेस्वर्खेइ नीङ्कोः ल्हुङ्तुक्कोः पेतोलेः चीःतेःनै बा ओउःत झ्यान्ते दोह् दोह् मान्तालम्खेइ ताङ्ह्ताक्लेःनानी ओउःकःलेः परमेस्वर्खे अह्र्लेःनाः बा।
ကြော်ငြာတွေ