लुका 15:17 - चेपाङ

¹⁷ ओउःत हायःदा हायःदा यात् दीन्‌हाङः ओउः हौइपाय् व्‍हक्‌तीलेः चीःआकान् ‘लौ ङाकोः आपाकोः काम् जाङ्‌ह्ओलम्‌खेइ कोस्‌तोलेः जेःनानी बा। जेःआक्‌तीको ओउःमयःकोः जेःगा वेतोलेः मुनाः ङाखेपाय् इहाङः आन योङ्‌क्राय्‌ती सीखेःआलाङः।

लुका 15:17 ပူးပေါင်းရင်းမြစ်များ

लुका 15:16

ओउः हौपाय् प्‍याक् ह्रामःओ काम् ह दोःओ खेःतो ह्रामःझ्‍याङ्‌कोः दोह्‌मा बयःल ओउःपाय् आन योङ्‌क्राय्‌ती झ्‍यान्‍ते प्‍याक्‌कोः जेःगा रोक्‌लेः जेःसा झाक्ओ खेःतो।

लुका 16:23

सीआक्‌तीको पाम्‍ह्आक्‌तीको ओउः मान्‍ताखेपाय् क्‍लीः बोगाङ् आन न्‍युम्‍ह्‌ती मुओ खेःतो। ओउःत न्‍युम्‍ह्‌ती मुतोक्‌हाङः ओउःइ लाङ्‌काताङ् त्‍याव्‌ती योउतो ओहाङः लाजरुस्‌पाय् आब्राहाम्‌कुस् आन लोक्‌तो मुओ च्‍यवःआकान्।

लुका 8:35

ओउःमयःइ छ्यानःओ कुरा सायःती ओहाङःकोः मान्‍तालम् येसुकःताङ् योलाङ् वाङ्आकाय्। वाङ्आक्‌तीको ओउः लान्‌लम्इ ङ्‌हा फेओ मान्‍तापाय् येसुकोः दोम्‌हाङः च्‍युङःती द्याह् सोह् खेःमाःत नाय् लावओमा सेलः मुओमा च्‍यवःआकानी। इत च्‍यवःतीलेः ओउः योलाङ् वाङ्ओलम्‌पाय् रैआकाय्।

खबरदुत 12:11

ओउः ल्‍होक्ओमयः ज्‍याल्आक्‌तीको पत्रुस् म्र्याती “दोङ्‌सीलेः परमेस्‍वर्‌इ लाङ्‌कामयः ल्‍होक्‌ती ङाकायः हेरोद्‌सै दल्‌ताक्आताङः बा। ओउः यहुदीलम्इ पेमालो हायःसा बोङःओकायः परमेस्‍वर्‌इ ताक्‌थासल” त पत्रुस् व्‍हक्‌ती म्‍हर्‌आ।

खबरदुत 2:37

एत तोआक्‌तीको ओउः सायःओ मान्‍तालम् ल्‍हुङ् क्‍लय्‍ह्‌तो स्‍याव्आकाय्। ल्‍हुङ् क्‍लय्‍ह्‌तो स्‍याव्‌ती “लौ ङीइ दोह् हायःचाङःसु” त पत्रुस् साथीचोङ्‌कायः ओउः सायःओ मान्‍तालम्इ व्‍हत्आथास।

एफेसस् 5:14

फेरी पेतो च्‍यवःताक्ओपाय् थोङ्ओ लेःआः। एतलेः लेखती मुनाः “अ नाङ् एनःती मुओ चाक्‌य सीओलम्‌सै उह्‌ती च्‍योक्‌तेःपाः ओहाङःसै ख्रीस्इपाय् थोङ्‌तेःताक्‌तेःनाः” त दाय्‍ह्ओ लेखती मुनाः।