6 ओउःमयःइ दोह्मा त्याङ्सा खाय्नीली।
एत तोओ सायःआक्तीको अरु मान्तालम्इ नोःसा खाय्नीली फेरी ओउःनम्ह् दीन्हाङःसै सुइ खेःयामा येसुकायः ल्हुङ्तुक् योसा थेङा व्हत्सा ग्याइली।
ओउःत तोतोक्हाङः येसुकोः काम् योगार्मालो मान्तालम्खे त्याङ्ती नोःसा खाय्माःत झ्यान्ते रास्आकाय्। अरु मान्तालम्खे येसुकोः पेओ ताङ्ह्ओ काम् च्यवःती आन चोङाय्तो खेःइतो।
येसु इत व्हाय्तोलेः त्याङ्ओ सायःती ओउः व्हत्लाङ् वाङ्ओलम् आन ग्याङ्ह्ती अरु दोह्मा दाय्ह्सा खाय्नीली। हुम्ती मुओ मान्तालम्कोः मीक्हाङः ओउःकायः गाल्तुम्ती तोसा दोःइली।
अरु कुरा व्हत्सा ग्यामालो खेःइतो।
पेतो व्हाय्तो नोःसा ग्वम्पाय् ङाइलेः नीङ्कायः बयःनेःनाङ्स बा ओहाङःसैको नीङ्कायः गाल्तुम्सा बोङःओलम्इ नीङ्इ तोओ कुरापाय् त्याङ्सा खाय्नीली।
स्तीफन् त तोओपाय् परमेस्वर्कोः ग्वालामः दोःती ओउःच्युक् ज्योङःती नोःसा खाय्ओ त झ्यान्ते अरुइ क्लीमःसा खाय्नीली।
