लुका 14:15 - चेपाङ

¹⁵ इत येसुइ तोआथास यात्‌चाक् ओउःकुस् जेःती मुओ मान्‍तापाय् ओउःत तोओ सायःआक्‌तीको “लौ परमेस्‍वर्‌कोः राजीहाङः भोस् जेःती मुओलम् आन चोङाय्‌तोलेः मुजेःनै” त दाय्‍ह्‌ती येसुकायः तोथातो

लुका 14:15 ပူးပေါင်းရင်းမြစ်များ

मत्ती 25:10

एत तोआक्‌तीको ओउः चीःमालोलम् साहुकःताङ् लेःलाङ् आल्इतो ओउःमयः आल्‌ती लेःतोक्‌हाङः ओउः दुलही वाङ्आ। दुलही वाङ्‌ती ओउः पास्‌जन साती नाःओ द्याङ्‌ह्‌मयःलम्‌खे ओउःकुस् आल्‌ती ओउःकोः कीम्‌ताङ् पोक्आकाय्। पोक्आक्‌तीको कीम्‌कोः धोका राक्ओ खेःतो।

मत्ती 8:11

“दोङ्‌सी दाय्‍ह्‌भनाङ् दाह्‌न्‍याम्‌सैमा ब्‍लक्‌न्‍याम्‌सैमा नाःतो अरु जात्‌कोः मान्‍तालम् वाङ्‌ती आब्राहाम् इसाक् याकुब्‌कुस् परमेस्‍वर्‌कोः राजीहाङः मुसा दोःनै।

लुका 12:37

सुसु मान्‍तालम् प्रभु वाङ्‌तोक्‌हाङःपाय् चीङ्‌ती र्‍ययःती मुलेःनै ओउःमयःलेः चोङाय्‌तो स्‍याव्‌लेःनै। दोङ्‌सी दाय्‍ह्‌भनाङ् ओउः मान्‍तालम्‌कायः ओउः प्रभुइ लयःलेः चीङ्‌ती जेःगा जेःसाकायः दोल्‌कावःआथास।

लुका 13:29

ओहाङःसैको इसैकोः उःसैकोः चार्‌ दोवाकोः लोक्‌तो देस्‌लम्‌सै मान्‍तालम् वाङ्‌ती परमेस्‍वर्‌कोः राजीहाङः जेःती तुङ्‌ती दोह्‌ती मुलेःनै।

लुका 22:16

दोङ्‌सी दाय्‍ह्‌भनाङ् इ परमेस्‍वर्‌कोः राजीकोः कुरा पेतो स्‍याव्‌धाङ्‌माखाहाङः इ भोस् ङाइ फेरीलेः जेःङल” त दाय्‍ह्‌ती येसु दाय्‍ह्आ।

लुका 22:30

ओहाङःसैको नीङ्‌पाय् ओहाङः ङाकुस् जेःती तुङ्‌ती मुसालेः दोःतेःनै। राजाकोः थाव्‌लम्‌हाङः च्‍युङःती नीङ्इ इस्राएल्‌कोः बार थर्‌लम्‌कायः नीङ्इ राजालो लेखालेः ओउःमयःकोः कुरा सायःती तात्‌सामा दोःतेःनै” त दाय्‍ह्‌ती येसुइ ओउःकुस् जेःती मुओलम्‌कायः तोआथास।

प्रकाश 19:9

ओहाङःसैको ओउः ल्‍होक्ओमयः ङाकायः तोती “लौ ‘ओउः भेदाकोः चोःकोः बीहा भोस्‌हाङः गोत्ओलम्‌पाय् चोङाय्‌तोलेः स्‍याव्‌नै’ त दाय्‍ह्ओ लेखउ दा” त दाय्‍ह्‌ती ओउःइ ङाकायः तोआताङः “माः है ओउःपाय् परमेस्‍वर्‌इ नोःओ दोङ् कुरा लेःआः बा” तमा ओउः ल्‍होक्ओमयःइ दाय्‍ह्‌ती तोआताङः।