लुका 13:4 - चेपाङ

⁴ ओहाङःसै सीलोम् त तोओहाङः धराहारइ ओल्‌ती अथारजनकायः क्रामःती सात्‌तोक्‌हाङः ओउः अथारजनपाय् अरु यरुसालेम्‌हाङः मुओ मान्‍तालम्‌सै रेव्‌तो हायःओ खेःइतो तमा ताःतेःनैया।

लुका 13:4 ပူးပေါင်းရင်းမြစ်များ

मत्ती 18:24

ओउः ङ्‌हा वानःओ मान्‍तालम्‌कःहाङः यात्‌चाक् लाख् रुपीया रीन् त्‍याक्ओ मान्‍ता खेःतो

मत्ती 6:12

ओहाङःसैको ङीकायः पेमालो हायःओ मान्‍ताकः ङीकोः ल्‍हुङ् मल्‍ह्ओ स्‍याक्‌लेःआ ओउःत खेःओ ङीकः नाङ्‌कोः ल्‍हुङ् मल्‍ह्ओमा स्‍याक्‌तेःपाः दा।

लुका 11:4

ओहाङःसै ङी लयः झाक्‌मालो मान्‍ताकः ल्‍हुङ् मल्‍ह्ओ स्‍याक्‌लेःआ ओउःत झ्‍यान्‍ते ङीइ रेव्‌तो हायःओकायः नाङ्‌कोः ल्‍हुङ् मल्‍ह्ओमा स्‍याक्‌तेःपाः। रेव्‌तो जाङ्‌ह्‌साकायः ताक्‌तेःचाःताङी’ त तोसाआः” त दाय्‍ह्‌ती येसुइ स्‍यान्‌तीलेः तोआथास।

लुका 13:3

खेःल लःलयःकोः रेव्‌तो काम्‌लम् फेती परमेस्‍वर्‌कोः पेओ कुरा नीङ्इ ङ्‌हाम्‌मादीक् नीङ्‌मा ओउः गालीलकोः मान्‍तालम्‌लो लेखालेः वाय्‌तोलेः स्‍याव्‌तेःनै बा।

लुका 13:5

खेःल लःलयःकोः रेव्‌तो हायःओ फेती नीङ्इ परमेस्‍वर्‌कोः पेओ कुरा ङ्‌हाम्‌मादीक् नीङ्‌मा ओउःमयःलो लेखालेः वाय्‌तो स्‍याव्‌तेःनै बा”।

युहना 9:11

“यात्‌चाक् येसु त तोओलेः ओउःइपाय् बल न्‍यात्ओ साः जाङ्‌ह्‌ती ङाकोः मीक्‌कायः ल्‍यानःती ‘लौ द्याह् ओउः सीलोम् तीःहाङः जेस्‌लाङ् आल्अ’ त तोआताङः। इत तोआक्‌तीको ङा आल्‌ती तीःहाङः जेस्‌ङसतो जेस्‌धार्‌नाहाङः मीक्इ च्‍यवःसा खाय्आलाङः बा” त दाय्‍ह्‌ती ओउः ङ्‌हा मीक् लोक्ओ मान्‍तापाय् त्‍याङ्आ।

युहना 9:7

ल्‍यानःआक्‌तीको “लौ द्याह् ओउः सीलोम्‌कोः तीःहाङः जेस्‌लाङ् आल्अ दा” त दाय्‍ह्‌ती तोआथै। हेब्रैनी भासाहाङः सीलोम्‌कोः माने “ल्‍होक्ओ लेःआः” त दाय्‍ह्ओ खेःनाः। ओहाङःसै ओउः मान्‍ता आल्‌ती तीःहाङः जेस्आक्‌तीको मीक्इ पेतो च्‍यवःओलेः खेःतो।

खबरदुत 28:4

रुपाय् पावुल्‌कोः क्रुत्‌हाङः नेःती पोतोलःती मुओ च्‍यवःती “इपाय् मान्‍ताकायः सात्ओ चाक् लेःआः यादो ओउःत झ्‍यान्‍ते द्युम्‌मालो तीः ज्‍युप्‌ती सीओसै दल्आक्‌तीको द्याह् ओउःकायः रुइ नेःती सीसा दसआः थाङ्आ रैस” त दाय्‍ह्‌ती ओउः देस्‌कोः मान्‍तालम्‌खे नोःकाय्आकाय्।