लुका 13:34 - चेपाङ34 अ नीङ् यरुसालेम्कोः मान्तालम्य परमेस्वर्कोः कुरा छ्यानःओमयःकायः नीङ्इ आनतेः सात्तेःनानी। नीङ्कःताङ् ल्होक्ओ मान्तालम्कायःतेः आनतेः बाङ्इ आप्ती थोःतेःनानी। ओउःत हायःतेःनानी आमा वाःइ लयःकोः चोःलम्कायः गोत्ती ओम्पायःती गम्ओलो लेखा ङाइमा नीङ्कायः गोत्ती ओम्पायःती झाक्झुङ्ङोतो नीङ्तेः ङाकःताङ् वाङ्सा ग्यातेःइली। အခန်းကိုကြည့်ပါ။ |
लुका 13:34
46 ပူးပေါင်းရင်းမြစ်များ
ओहाङःसैको सहर् पोक्ती नीङ्कायःमा नीङ्कोः मान्तालम्कायःमा जुदालेः सात्तेःनै। ओउःत हायःआक्तीको नीङ्कोः सहर्पाय् जुगाङ् वाय्तोलेः स्याव्नाः ह्र्योङःती वाय्आक्तीको यातैज्योः देती मुओ बाङ्पाय् च्यवःल बा। इत दोह् हायःती स्याव्लेःनाः दाय्ह्सा परमेस्वर्इ ल्होक्ओ नीङ्कायः दल्सा खाय्ओचाक् वाङ्ओ बेलाहाङःपाय् नीङ्इ तय्ह्तेःनीली ओउःत झ्यान्ते नीङ् वाय्तोलेः स्याव्तेःनै” त दाय्ह्ती येसु दाय्ह्आ।
परमेस्वर्कोः कुरा छ्यानःती तोओ मान्तालम्पाय् सुकायःमा नीङ्कोः आय्कानः तोकानःलम्इ आन रेव्तो जाङ्ह्ती गम्आथास। सुसुइलो ‘लौ लोन्ह्ते परमेस्वर्कोः कुरा पेओ जय्कुमःतो जाङ्ह्ओ ख्रीस् त तोसा वाङ्नाः’ त थोल्ह्ती तोआकानी ओउःकायःलेःमा नीङ्कोः आय्कानः तोकानःलम्इ सात्आकानी रैस। ओउःमयःलो लेखालेः नीङ्लम्इमा ओउः ख्रीस्कायः अरुलम्कःताङ् दाक्ती सात्ताक्तेःआकानी बा।
ကြော်ငြာတွေ