लुका 13:21 - चेपाङ

²¹ ओउःपाय् लाङ् फताक्‌सा ओखोत्‌लो लेखालेः मुआनाः। ओउः फताक्‌सा ओखोत्‌पाय् मोमःचोःइ रोत्‌ती तीन् पाथीकोः ओय्‍क्‌कुस् क्राक्‌नौ ओहाङःसैको लाङ् सबै फनाः” त दाय्‍ह्‌ती येसुइ स्‍यान्‌ती तोआथास।

लुका 13:21 ပူးပေါင်းရင်းမြစ်များ

मत्ती 13:33

“फेरी परमेस्‍वर्‌कोः राजी लाङ् फताक्‌सा ओखोत्‌लो लेखा मुनाः। ओउः ओखोत्‌पाय् मोमःचोःइ रोत्‌ती तीन् पाथीकोः ओय्‍क्‌कुस् ल्‍याव्‍ह्‌ती क्राक्‌ती ओहाङःसैको लाङ् सबै फनाः” त दाय्‍ह्‌ती येसुइ तोआथास।

लुका 13:20

ओहाङःसैको “लौ परमेस्‍वर्‌कोः राजी दोह्‌लो लेखा दाय्‍ह्‌सा।

युहना 15:2

जुदा ङाकोः सायःमालो केङ्‌कालम्‌खे ओउःइ ह्राह्‌ती वाय्‌नौ सायःओलम्‌खे ओउःइ न्‍हाङ्‌तो सायःताक्‌साकायः त्‍यङ्‌ह्‌नौ।

युहना 4:14

सुसुइ ङाइ बयःसा तीः तुङ्‌नौ ओउःखे गलमा द्योक्‌मालो रौ जीङः दोःती अरु तुङ्‌सा परल। इ रौ जीङः दोःताक्‌सा तीःपाय् ङाकःसै गलमा लय्‍ङ्‌तीलेः वाङ्‌नाः” त दाय्‍ह्‌ती येसु त्‍याङ्आ।

१ कोरीन्‍थी 5:6

लौ नीङ्‌कोः ङाःती नोःओपाय् स्‍याव्‌ल। क्राक्ओ ओय्‍क्‌हाङः यात् पीन् फताक्‌सा ओखोत् काआक्‌तीको लाङ् जुदालेः फताक्‌नौ त नीङ्इ चीःतेःनानी। ओउःलो लेखालेः यात्‌चाक् रेव्ओ मान्‍ताइपाय् सबै ङ्‌हाम्ओ मान्‍तालम्‌कायः रेव्‌ताक्‌सा खाय्‌नौ।

फीलीपी 1:6

ओउःत झ्‍यान्‍ते नीङ्‌कायः तोहालेः पेतो वाह्‌ताक्ओ परमेस्‍वर्‌लेः ओउःइ देङीमा लोनेःमा येसु ख्रीस् वाङ्‌नम् दीन्‌च्‍युक्‌हाङः पेतोलेः वाह्‌ताक्‌तेःनै एत ङा ल्‍हुङ्‌हाङः म्‍हर्‌नाङः।

याकुब् 1:21

ओउःत झ्‍यान्‍ते सबै रेव्ओमा अह्र्सीःओ काम् जवओ फेती नीङ्‌कोः ल्‍हुङ्‌हाङः सेती गम्ओ पेओ नोःराय् ग्‍यातीलेः सायःनु ओहाङःसैको ओउः नोःराय्इ नीङ् दल्‌तेःनै।